大將 (已結業)

話說第一次去到呢間餐廳，講真個環境都幾好，望落去係木嘅顏色都好舒服，嘢食都擺得幾精美。但係服務員非常之少，得負責收銀同安排入座嘅一位女職員，同兩三個年青人負責送食物同清枱上面嘅空碟。侍應全部都好似新員工，唔係好知自己做緊乜，問佢呢碟係咩肉又講唔出，點餐個bar code 唔work，要好辛苦先引到侍應注意再等佢哋人手落單。每次上肉都要等好耐好耐，大概半個鐘，感覺就好似想懲罰你唔俾你添肉咁樣。我哋叫咗SRF 牛肉放題，第一輪啲牛肉都唔錯，之後再叫第二輪，嘩真係嚇死人！差過佳bobo $68嗰啲牛肉，肥膏七成肉得兩三成，仲有筋，根本完全食唔到。之後叫多兩碟，食得一個鐘等上肉再等20分鐘，最後嚟一碟九成都係肥膏貌似豬肉嘅牛肉俾你，我叫佢直接拎走。（冇影相但請自行幻想全部都係白色肥膏）感覺餐廳著重成本，我覺得自己作為客人嘅感受很差。以後都唔會去呢間餐廳食，因為我覺得好唔誠實。