天機棧 (已搬遷) 新店位置

大家都知小弟同姚東師傅份屬好友, 試好嘢亦非首次. 今次試呎間亦係值得一笑之店.有睇開小弟既食評都知我係錯就要認, 打就要嗌定嗰隻.天機棧, 正如姚東師傅話事計, 哈哈笑就走唔甩!食均前, 中, 後都係一舊, 坐又唔迫, 店員又唔會俾壓力你, 都經已喊唔出啦.湯, 我亦要了蜆湯, 蜆味是有的, 唔錯.主菜, 焗咖喱海鮮意粉, 個味是ok的, 但我預期是用一個兜上, 將咖喱洋舖面焗, 但出嚟卻是用碟上, 故有出入. 用料亦殺我個措手不及, 居然冇大塊魚柳, 卻有獅子狗及日本湯面的魚蛋, 幾搞. 但大家諗諗, 只是六十幾蚊一個餐, 絕對無理由唔收貨.甜品, 心太軟及蕷果批, 2者不太甜, 味度上佳! 尤其是蕷果批, 個酥皮十分鬆化, 暖暖的, 正!但小弟有些少意見, 就係如果2款甜品再加一個雲呢那雪糕球在旁, 深信效果必定更佳.總括嚟講, 呢間絕對是區內值得番炒之店!