僕之拉麵 (已結業)

繼尋日開左果拉麵癮，今日果lunch我又去食拉麵啦！😆旺角尼間系之前book mark左好耐，終於搵到機會啦！ - 拉麵 -兩款拉麵的湯底都用左豚肉濃湯，好香濃得黎一D都唔鹹，食完之後無口渴既感覺。⦁肉愛食者拉麵成隻碗都係叉燒（叉燒粒、叉燒片）超多肉，兩種唔同嘅口感，岩晒肉食愛好者。⦁人氣拉麵麵質彈牙，口感煙韌，味付雞蛋好滑夠流心，一D都唔老，仲好香蛋味添。- 小食 -牛肉可樂餅係期間，外脆內軟！雖然係炸物，但一D都唔油膩。- 飲品 -🍑日本熟成白桃製成嘅梳打，入口有好清新嘅果香。🍈日本靜岡縣密瓜果汁製成，濃郁香甜。尼間就無俾冰底，不過兩支都夠凍！- 配料 -除左一般拉麵店有嘅七味粉之外，仲有生蒜同埋拉麵胡椒，可以自由配搭自己心目中既味道。