捌捌陸台式料理 (家樂坊)

營業中

休息中

6:15pm 左右入座，用餐時間120分鐘，截單時間係離座前30分鐘"即7:45pm" 豪華餐有仙草凍食（可揀三款配料。約7:10pm叫左2碗，隔左15mins 先上菜。見佢咁耐先到咪打算叫多2個，點知見佢話sold out ...初時以為係佢QR code 有問題，諗住refresh 條link但又一直都load 唔到。約7:30pm見link話已截單，之後問個女職員，佢拎住部pad 話我冇唔俾你落單呀～但當時真係落唔到單，女職員係佢部pad 按左幾下後就話你refresh 下啦，應該係你電話收得唔好 ..可能女職員係pad 度click 返俾我地落單，電話即時load 到點菜menu, 但仙草凍仍然係sold out ...佢就話"暫時"賣哂😐...之後再出去問個收銀職員，另一職員又黑口黑面指住餐牌話所有野食跟QR code 為準。 唯一值得稱讚係有一位男職員，佢先同我地講因為仙草冇哂所以未能點餐。我地問佢因為我地想食雪糕，可否整一碗只有配料既"仙草凍" ,男職員好好真係幫我地整。總結：卜卜蜆味道雖然唔差，但職員態度差 .. 無預備足夠食材 .. 臨時應變力又不足 真係冇下次。