東喜茶 (已結業)

我同我老公都非常鍾意飲內地人氣飲品店「喜茶」，雖然次次都要排隊，價格又唔特別平，但真係覺得超級好飲。所以我響香港都好努力希望尋找到類近既代替物，等我地響香港都可以解解饞。果日老公突然又話好想飲喜茶既滿杯紅柚，啱啱好經過旺角哩間''自稱''喜茶姊妹店既「東喜茶」，決定試一試。飲完一啖，我只可以講，飲過真正喜茶既人真係唔好光顧，你會好失望。全杯嘢沾一大半都係冰沙淡而無味，完全飲唔到有果肉，柚子得果兩片好小家，杯嘢味道好澀唔甜。老公形容哩杯飲品麗晶酒店同麗晶大賓館既分別，雖然名字差一個字，味道卻差得遠。既然要模仿，就希望店家抄得足D啦相信唔會再光顧