浩記甜品館 (已結業)

唔係講笑，真係食浩記食咗十幾年，雖然只限早餐啲粢飯和豆漿，由十二蚊食到而家十六蚊，以前返學真係日日食，近年少咗早上出旺角，今早出旺角又特別掛住佢，明知遲d要食晏又驚佢保持唔到水準而失望，但忍唔住都要食一食，坐低叫了粢飯多炸菜和凍豆漿！！味道 即叫即做,一流，今天巳經唔係最正！但都係好正，原因係我差不多十二點先去到食，最正應該係早上十點前當早餐食。講返今餐，油條-你係唔會知到點解佢唔熱但仲係咁脆，不過加咗落D熱辣辣的糯米飯，條油條熱唔熱都唔係重點了，肉鬆和炸菜都十分平均分配到每一口，我口味重多叫老闆加多炸菜！！末食之前油條和肉鬆多到外露，d飯只係簿簿的包住d料，試問邊到可以食到?而你可以因自巳口味加多減少或走配料，甚至係加糖變成甜粢飯不過本人卻末試過！一碗碗上冰涼的甜豆漿，濃濃的豆味但又唔會"傑"，小稀，我鍾意的口感，應該係自家豆漿。環境+衛生+服務 港式老舖款環境衛生一定唔叫好，但係又末到差。我覺得即叫即做算係一種幾高級的服務，好多時食日本壽司都係食佢即叫即做啲"手握"服務，但係今天得老闆娘一個做飯，落單加理單，佢有d趕，末有好好清潔我張枱。抵食埋單都