烤魚工房 (登打士廣場)

營業中

休息中

6點前入坐，唔使排隊叫左個蒜香烤魚，小辣，但黎到，完全冇辣椒，亦都唔辣。叫左兩次加辣椒加完第二次先有少少辣嘅味道出左黎/食物ok la. 唔覺太特別好食。燒烤串唔錯！睇左少少open rice 食評話服務態度差，食食下都覺得ok la.冇野呀！！原來食到最後先黎料首先，佢個爐下面係放蠟燭，平時大家樂打邊爐果種。好心佢限時就唔該大方啲俾多兩粒蠟燭。俾得一粒蠟燭，成大個盤得一個位滾。我地冇特登食慢，keep住食野咁佢滾得一個位，都要整熟啲野食先放得落口嫁。臨夠鐘前不斷有唔同嘅人黎嗺你就黎夠鐘收枱「你啲火好細喔。」當然無視你，因為出面好多人等位。之後有個阿姐直頭一黎就收走我朋友嘅筷子😤😤😤好過分，我地食緊野，個盤都仲有野食。同佢講，未食完喔，就話「唔好意思，筷子呢度攞，你繼續食」之後又有阿姐黎收野，今次收我地魚盤嘅野😱O咀，原來佢地係咁樣，格硬黎。仲一隻手指叉落我未飲完嘅可樂🤬🤬🤬真係嬲到飛起！！以後都唔會幫襯！！！我覺得你做得限時都要尊重返食客你要限時，應該要keep返你嘅火夠大囉！未試過食野有如此經驗。