皇茶 (已結業)

當日嗌咗杯雪花啤啤同玄米茶唔知店員係咪新手，成件事真係令人好失望我已經係第一個排緊隊，但佢沖左5-10分鐘先有第一杯(雪花啤啤)，當時我仲望住佢篤d奶蓋落去，令到半杯已經係融合咗奶蓋嘅沙冰。認真，想知係特色定係點，點解要幫客篤定先… 唉，都算，但佢杯野就咁放咗喺到，又幫人落單又沖第二d人嘅野飲，完全無視咗杯沙冰🤨隔咗幾分鐘，佢無啦啦拎呢杯出嚟比我叫我飲住先，玄米茶未得。問題係我得一個人等緊2杯野飲，明顯有杯係買比第二個🧐而咁啱，呢杯沙冰唔係我嘅，咁我點飲住先…仲要杯野嚟到我手上都已經溶緊…等多5分鐘，玄米茶先得。我叫常溫，但杯野係暖嘅。我嗌7分甜，杯野係完全唔甜。我落order之前已經係問清楚甜唔甜，因為我想飲甜嘅。佢話可以揀甜度，我先嗌7分甜。但我見佢溝嗰陣冇落過糖水我就心知不妙，我真係思疑佢唔記得咗落糖水🤔杯野真係難飲到傻再評論返杯雪花啤啤。2杯齊哂之後，我已經衝去拎比朋友。一到佢手，佢已經問沖定咗幾耐，溶到咁…飲咗一啖之後佢話係佢飲過最難飲嘅奶蓋。唔係呀嘛，$40真係咁差？我飲咗啖，果然係好唔得。一嚟d士多啤梨好酸，二嚟成杯野質感好水講真你玄米茶要煲，你咪唔好整住杯沙冰先..有乜