空海 (已結業)

想試左好耐，一直搵唔啱時間試，借住慶祝紀念日黎試一試！我係早一日先打電話去book位，聽電話嘅員工同我講話要喺WhatsApp度book，咁我就再喺WhatsApp度book位。兩個人叫咗兩個定食-三色丼定食（$198）同空海盛（$598），在額外加咗一口和牛粒（$88）。空海盛包一杯野飲，叫咗巨蜂提子梳打。可惜佢冇酒精飲品賣，如果唔係配清酒應該好正!雞泡魚乾好乾身好脆口👍🏻海膽、魚子、凡立貝同蟹肉都非常鮮甜😋😋蟹刺身都好新鮮!和牛同蟹膏就普普通通，尤其是蟹膏，略嫌過鹹。最後甜品柚子雪葩，非常清新甜度適中。總括來講非常值得一試。由於地方比較細只有8-10個位，所以記得要訂位，見到有人walk in都因為冇訂位冇得食。