萬波 (已結業)

有日約左朋友係旺角朗豪坊睇戲，咁岩經過呢間係彌敦道，信和中心對面，新開既萬波。今年香港開左愈來愈多既台式飲品舖，但係呢間既裝修好eye catching，用左好日式既裝修，以木系為主色。短短十分鐘等緊杯野個陣，已經見到幾個美少女係度打卡。我自己都忍唔住買左杯珍珠奶茶飲。收銀個哥哥好熱情❤️同有禮貌。又推介佢地店舖主打既輕初乳芝士系列。turn out 佢地既奶蓋同其他店好唔同，其他店既奶蓋飲完係飯都唔想食，勁滯，好heavy，但係呢間既creme brulee 奶蓋飲落去好滑，海鹽同焦糖味都好重。本新呢杯野係配紅茶底，但係我自己都係忍唔住轉左佢地既烏龍鮮奶，再加波霸，好qq，真係好好飲。我嗌左微糖，我覺得岩岩好。