影片
更多
2020-10-19
36 瀏覽
最近日日留係屋企，唔係坐就瞓，真係肥咗好多呀，所以真係要減肥。不過就算減肥都想約出街，所以就揀咗一間💛💛樓上Cafe，貪佢可以坐耐啲，嘢食又輕盈啲。我哋兩個人，叫咗一個二人餐，都幾抵㗎有一個意粉，一個薄餅，小食同嘢飲。其實見到佢嘅薄餅同煮食有好多選擇，但係考慮到卡路里，就揀咗蕃茄汁做嘅香辣虎蝦海鮮意粉。至於薄餅朋友就揀咗西西里薄餅。小食就邪惡啲，揀咗炸蝦餅，嘢飲我就簡單叫咗latte啦。呢度叫嘢食好特別，係自己手寫上白板，我就畫到靚靚咁，見到都心情好啲。個小食炸蝦餅好快就送到，仲熱辣辣，啱啱炸起，熱到放唔到入口呀，記得攤凍少少先食。食落口好彈牙，而且有好香嘅蝦味，加埋泰式辣醬，酸酸甜甜，用黎開胃啱啱好喎。仲影緊相打卡嘅時候，海鮮意粉已經送咗上嚟。啲海鮮夠晒多，青口亦都好大隻，食落唔會有沙，有好重嘅蕃茄味。我最鍾意佢啲意粉夠爽口，我好怕啲意粉煮得太稔，就好似放咗好耐咁，呢個完全唔係呀，啲蕃茄汁掛晒上去，正。西西里pizza送到！最驚喜係個餅底吖！果然係手拉薄餅，餅底夠哂煙韌，好易咬吖，唔會乾同硬，手拉係唔同啲！加上佢啱啱焗起，做到拉絲嘅效果，哇，好邪惡。就算好好味，減肥嘅我唯有食少啲😔😔
我哋兩個人，叫咗一個二人餐，都幾抵㗎有一個意粉，一個薄餅，小食同嘢飲。
其實見到佢嘅薄餅同煮食有好多選擇，但係考慮到卡路里，就揀咗蕃茄汁做嘅香辣虎蝦海鮮意粉。至於薄餅朋友就揀咗西西里薄餅。小食就邪惡啲，揀咗炸蝦餅，嘢飲我就簡單叫咗latte啦。
呢度叫嘢食好特別，係自己手寫上白板，我就畫到靚靚咁，見到都心情好啲。
個小食炸蝦餅好快就送到，仲熱辣辣，啱啱炸起，熱到放唔到入口呀，記得攤凍少少先食。食落口好彈牙，而且有好香嘅蝦味，加埋泰式辣醬，酸酸甜甜，用黎開胃啱啱好喎。
仲影緊相打卡嘅時候，海鮮意粉已經送咗上嚟。啲海鮮夠晒多，青口亦都好大隻，食落唔會有沙，有好重嘅蕃茄味。我最鍾意佢啲意粉夠爽口，我好怕啲意粉煮得太稔，就好似放咗好耐咁，呢個完全唔係呀，啲蕃茄汁掛晒上去，正。
西西里pizza送到！最驚喜係個餅底吖！果然係手拉薄餅，餅底夠哂煙韌，好易咬吖，唔會乾同硬，手拉係唔同啲！加上佢啱啱焗起，做到拉絲嘅效果，哇，好邪惡。就算好好味，減肥嘅我唯有食少啲😔😔😔
10分抵讚，呢度嘅嘢食好快就送上嚟，而且時間夾得啱啱好，食完一樣又有另一樣野放喺枱面，絕對唔會餓親。
雖然係wolipay check 唔到，不過朋友上次黎，話一直都播抗爭歌😳咁就應該無走雞喇💛💛
張貼
