陸陸雞煲火鍋 (已結業)

今晚黎到呢度食雞煲，本身就唔係好食辣，但食雞煲無理由唔叫辣既，所以就揀左小辣，黎左之後都驚驚地會d辣，不過一上枱就聞到香味啦。佢會幫你煮同撈，總之整好左先會開始俾你食，完全唔洗自己操心。佢一路整就聞到好白香，有少少麻同少少辣，但聞落都唔係太辣，應該應付到。整好左之後就開始食啦！d雞煮得岩岩好，幾滑，同埋少辣真係少辣，唔會辣到食唔到，而且有陣好香既香味，好正。呢碟叫封門柳，非常好食，可以推介俾大家，厚實，肉味濃，牛肉愛好者應該會好鐘意。呢個睇落無乜特別既墨魚滑，其實都係好好味，好足料架。而且粒粒食落都幾彈牙。要講到最特別既，就要數呢個咸牛芝士炸油條。本身係炸過，只要放落煲一下就可以食，同響鈴差唔多食法。呢個口感幾好，好特別，而且出面唔會食到，可以一試岩唔岩自己口味。整體黎講都好正，尤其係封門柳，值得推介俾大家。