baby café (已結業)

之前試過i~square間baby cafe食，覺得環境好好，坐得舒服，而且食物水準不錯，今次就去了旺角的分店試試，比想像中失望，先講講環境，張枱超逼，想叫多兩樣菜都驚唔夠位，仲要同隔離枱貼住坐，其實佢傾緊咩，我都完全聽到晒， ，所以我都唔敢咁大聲講嘢,要同姊妹圍埋講是講非，最好唔好，但同男友拍拖可以，夠晒親密。食物質素都算可以，點咗份雞翼，但份量很少，只有兩隻開邊的雞翼，味道還可以，酥皮龍蝦湯，個酥皮唔似酥皮，好似一塊面包放係湯面咁，亦都唔酥唔脆，個湯味道適中，再濃一點會更好，份深海鱸魚最掂，又夠厚身，又煎得剛剛好，又滑又嫰，一切落去，見到d魚汁溢出，我都跟住口水流,配沙律醬雖然好似心思欠蓬，但味道都算夾，個seafood risotto都不錯，飯身軟硬適中，味道再濃點會更好待應一開始都會提醒你如果人多，個半鍾就要收枱，雖然佢地一直都禮貌的，但就好似有心理壓力，食完都即刻交枱，而且覺得改過餐牌，原本想試下baby三食的，但好像沒有了，現在餐牌上都是一些較大路的菜單，少了之前的創意，驚喜欠蓬，但品質可以，沒有了那種想再去多次的衝動