影片
更多
2024-10-20
151 瀏覽
介紹返💁🏻♀️。。🇰🇷 韓國菜 在旺角 🇰🇷。Bingo & Cook 。朗豪坊10樓21-26號舖。海鮮三合 Seafood & Pork Belly Samhap。HKD340 + 10%醬油蟹 Soy Marinated Crab with Rice。HKD270 + 10% @ 1pc。HKD380 + 10% @ 2pcs🤫 我哋食七點..好在有Book位..因為去到嘅時候已經見到全場爆滿..淨係得返我哋預留咗嗰一張枱係吉嘅😲星期四嘅夜晚黑嚟講而家呢個時勢算係好犀利～仲要門口有其他人等緊位..究竟大家係為咗美食定係打卡而嚟嘅呢🤫 先講吓個環境..環境設計真心係非常之加分嘅👏🏻佢有好多幅牆俾佢佈置到各式各樣韓國街頭嘅扮相設計..其中一邊座位仲設計到好似喺韓國街頭嘅布帳馬車咁..怪唔得咁多人嚟呢度打卡啦～枱枱凳凳方面..佢哋用咗紅卜卜嘅膠摺檯同埋膠凳..連埋嗰啲不鏽鋼嘅刀槍劍擊食用餐具..嗰浸韓風簡直係湧面而嚟🤫 經過一輪磋商之後我同朋友仔決定叫一個睇落相當之豐富嘅豚肉海鮮燒鍋再加一份我恨咗食好耐嘅醬油蟹撈飯..一人一杯飲品..That’s It🤫 首先上枱嘅就係我期待已久嘅醬油
。
。
🇰🇷 韓國菜 在旺角 🇰🇷
。Bingo & Cook
。朗豪坊10樓21-26號舖
。
海鮮三合 Seafood & Pork Belly Samhap
。HKD340 + 10%
醬油蟹 Soy Marinated Crab with Rice
。HKD270 + 10% @ 1pc
。HKD380 + 10% @ 2pcs
🤫 我哋食七點..好在有Book位..因為去到嘅時候已經見到全場爆滿..淨係得返我哋預留咗嗰一張枱係吉嘅😲星期四嘅夜晚黑嚟講而家呢個時勢算係好犀利～仲要門口有其他人等緊位..究竟大家係為咗美食定係打卡而嚟嘅呢
🤫 先講吓個環境..環境設計真心係非常之加分嘅👏🏻佢有好多幅牆俾佢佈置到各式各樣韓國街頭嘅扮相設計..其中一邊座位仲設計到好似喺韓國街頭嘅布帳馬車咁..怪唔得咁多人嚟呢度打卡啦～枱枱凳凳方面..佢哋用咗紅卜卜嘅膠摺檯同埋膠凳..連埋嗰啲不鏽鋼嘅刀槍劍擊食用餐具..嗰浸韓風簡直係湧面而嚟
🤫 經過一輪磋商之後我同朋友仔決定叫一個睇落相當之豐富嘅豚肉海鮮燒鍋再加一份我恨咗食好耐嘅醬油蟹撈飯..一人一杯飲品..That’s It
🤫 首先上枱嘅就係我期待已久嘅醬油蟹..兩個人嚟講我都唔夠膽叫咁多..所以輕輕叫咗一隻兩個Share然後大不了就加多一碗紫菜撈飯..隻蟹嚟講..話大就一定唔係㗎啦🤪不過都唔算係細..兩個人食算啱啱好嘅..最緊要係隻蟹好新鮮..醬油嘅調味入味..而且唔算話好辣..超級正～話說出邊啲人通常都會夾晒啲蟹膏蟹肉出嚟撈好晒啲飯先食..我個人就建議大家好似我咁一啖咬落隻蟹嗰度🦀啜佢啲蟹膏蟹肉入口..享受一下生勾勾蟹肉嗰種鮮甜同埋黏嘴..再加上蟹膏自帶嘅鹹香..先至再慢慢𢳂一啖紫菜蟹籽撈飯..咁樣先至係真正嘅爽皮㗎
🤫 食到三份一撈飯嘅時候..我哋個重頭戲終於上場..一個傳統Gas爐放上枱之後..上面放上同Gas爐一比一咁大個嘅燒鍋..而燒鍋嘅入面係放滿咗大量嘅豚肉片同埋各式海鮮..然後各式海鮮係包括咗都Size適中嘅帆立貝同鮑魚各二..大蝦三隻定唔知四隻..同埋最後送上嚟嘅一隻手掌咁大嘅八爪魚🐙
🤫 一開始望住呢一兜嘢放上枱..我同朋友仔都R晒頭唔知要點樣處理🤪好在轉一個頭就有個侍應姐姐過嚟幫我哋攤開啲豚肉剪成一節一節..然後又將貝殼類嘅海鮮拆殼..望住佢手法非常俐落咁樣處理呢一大盆美食..隔咗唔使好耐嘢食就已經可以送入口嘞🤩
🤫 首先要講..呢個豚肉海鮮燒鍋本身係有一大份Kimchi同埋辣醬喺旁邊..我哋兩條唔食得辣嘅茂利用迅雷不及掩耳嘅速度將呢一大片危險物品移開先至俾侍應姐姐處理🤣所以我哋食嘅呢一份嘅辣度係相當之輕微嘅..雖然係冇咗應有嘅辣味..但係佢呢度嘅燒鍋好就好在就算冇咗辣味嘅加持..成份海鮮同埋豚肉本身嘅調味都相當之香口惹味..豚肉肥瘦適中..喺鍋底煎到少少窿邊係最正嘅👍🏻帆立貝鮑魚八爪魚呢啲快熟嘅海鮮唔使太耐就已經可以食..全部都爽口彈牙..味道相當唔錯..然後鍋底仲墊咗大量嘅芽菜京蔥同洋蔥..全部撈埋一齊食絕對係大滿足🙆🏻♀️
🤫 係呀～我哋兩條女..嗌兩樣嘢就已經飽到上心口啦😅呢度啲嘢食份量都幾大㗎..大家千祈唔好眼闊肚窄啊～嘢飲方面..我哋一人叫咗一杯梳打..我要咗杯藍色靚靚打卡一流嘅Lemonade..朋友仔就要咗Grape Soda..冇計～我杯嘢咁靚確實係遠勝提子味梳打😛不過其實兩杯飲落都幾好味嘅..最啱就係配呢啲咁惹味嘅燒鍋嘞🍹
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
張貼
