Brooklyn (已結業)

旺角雖然好多野食，但係有時選擇多反而三心兩意諗唔到食乜。 唔想同人迫，上左去新世紀5樓 Brooklyn 食西餐。 以前呢度既 Apple Green 係食 pasta 既首選，依家轉左同系既 Brooklyn 都食左幾次， 雖然揾唔返當年既感覺，不過勝在坐得舒服，唔洗等位，食物又唔差，就佢啦。今晚叫左兩份 set dinner,  一份main course 有湯，頭盤同飲品，$168 加一 ,  第一個係肉眼扒加薯條，中規中矩，唔算好特別，牛扒薄左少少。 另外一個係carbonara risotto , 比較重味啲，食完要飲好多水，冇影到相，有少少失望。 carbonara以前係 apple green既皇牌，響Brooklyn食唔出。 Main course 唔算好特別， 最驚喜反而係兩個頭盤。一個係檸檬胡椒脆雞粒， 乾檸檬擺響面既賣相已經好吸引，雞粒炸得唔油好爽脆，有啲似雞軟骨，配啤酒一流，下次再試下。 另一個係椰菜花脆球，望落去好似韓式炸雞或者咕嚕肉， 有少少辣椒，都係好清新開胃。 兩杯飲品都係檸檬系列。不過不失啦。