GUM "JENG!" X 御前上茶 (已結業)

新店開張，見排O世隊諗住試下。等位時Receiption態度已經極差，叫客入坐好似叫狗咁，等左30分鐘先有位，晚上十一點半入座。先唔講服務質素，講左食物質素先。雪糕毫無奶味，仲有d冰，唔知點解值四十四蚊一杯，比起另一間叫cha cha都係賣同一樣產品o既甜品店，呢間無論食物定服務，質素差好多。另外仲叫左個抺茶豆腐雪糕，d豆腐仲鞋過超級市場入面賣緊o既百ｘ豆腐。毫無誠意。窩夫其實味道幾好，份量都好大，但價錢仍然偏貴。窩夫十一點四十五分先到，然後突然d侍應同我地講十二點要關門，叫我地埋單先。我都知道阻人收工由如殺人父母，但事前無論係門口等緊定係入座時完全無人講過十二點會關門。頭先都講過窩夫份量其實好大，根本無可能十五分鐘內食完，我都係第一次夜晚食甜品，d侍應好似企我隔離同我講：我地依家要收工，你可唔可以食快d？先唔講價錢，呢間野完全唔值得等三十分鐘，要食甜品有好多其他選擇，唔會再去！