影片
更多
2019-11-21
2184 瀏覽
朋友帶我去懲罰呢一間旺角良心甜品店，話佢勁黃唔懲罰唔得！👍其實在於我嘅立場除咗佢黃，仲有啲嘢食有品質先得，如果佢聲稱自己係黃但係啲嘢食麻麻地一我都會排到好後先幫襯，始終我覺得作為飲食業最基本都係食物嘅品質，呢個係佢哋對消費者所盡的責任。去到我發現佢入面除咗知左好多連儂牆，仲可以每一張枱響一樣甜品上面畫香港人公仔！我同朋友個揀咗一個特色甜品！我哋發現有啲良心小店都有一個共通點，就係佢哋嘅服務人員態度都超好，所以我哋都覺得幫襯得零些舒服😌首先上嚟嘅係朋友的比利時朱古力慕絲伴雪糕（$56），朱古力慕絲外型都幾高級，好似一塊好厚嘅圓朱古力磚，上面一球朱古力雪糕，朱古力慕絲嘅質地有啲實但係入口非常之滑，可可粉味道非常之香濃，真材實料!配埋雪糕一齊食，小小濕潤口感更佳！👍而我最期待嘅芒果拿破崙（$64）大概等左20分鐘，可能即焗即製的關係，一嚟到當然俾佢上面畫嘅V煞面具pepe吸引！真心超靚囉！😍😍😍💪😤淨係睇住都非常之賞心悅目，背景佢仲會播香港嘅國歌同埋一啲鼓勵香港人嘅流行曲，喺呢度食甜品你會覺得好振奮好感動😢💪講返個拿破崙，佢大概有四層，而且每一層嘅酥餅都烤得非常之鬆脆可口👍讚！而且每層中間都
朋友帶我去懲罰呢一間旺角良心甜品店，話佢勁黃唔懲罰唔得！👍
其實在於我嘅立場除咗佢黃，仲有啲嘢食有品質先得，如果佢聲稱自己係黃但係啲嘢食麻麻地一我都會排到好後先幫襯，始終我覺得作為飲食業最基本都係食物嘅品質，呢個係佢哋對消費者所盡的責任。
去到我發現佢入面除咗知左好多連儂牆，仲可以每一張枱響一樣甜品上面畫香港人公仔！我同朋友個揀咗一個特色甜品！我哋發現有啲良心小店都有一個共通點，就係佢哋嘅服務人員態度都超好，所以我哋都覺得幫襯得零些舒服😌
首先上嚟嘅係朋友的比利時朱古力慕絲伴雪糕（$56），朱古力慕絲外型都幾高級，好似一塊好厚嘅圓朱古力磚，上面一球朱古力雪糕，朱古力慕絲嘅質地有啲實但係入口非常之滑，可可粉味道非常之香濃，真材實料!配埋雪糕一齊食，小小濕潤口感更佳！👍
而我最期待嘅芒果拿破崙（$64）大概等左20分鐘，可能即焗即製的關係，一嚟到當然俾佢上面畫嘅V煞面具pepe吸引！真心超靚囉！😍😍😍💪😤淨係睇住都非常之賞心悅目，背景佢仲會播香港嘅國歌同埋一啲鼓勵香港人嘅流行曲，喺呢度食甜品你會覺得好振奮好感動😢💪
講返個拿破崙，佢大概有四層，而且每一層嘅酥餅都烤得非常之鬆脆可口👍讚！而且每層中間都吱滿淡淡嘅忌廉，味道不算太濃，一開始我以為中間係吉士醬，因為我超鍾意食吉士醬，但食真啲又唔係好似，因為佢中間啲cream係偏淡，如果可以甜啲就最好！加上啲餅都真係幾大，就算我加埋個芒果雪糕一齊伴住食，食到後邊都有少少乾，如果可以多啲cream就好啦！
整體來講兩個甜品都算高質，重點係呢度嘅環境氣氛同埋服務態度令我非常之滿意！係值得再嚟幫襯這一間良心小店！我仲考慮緊下次嚟呢度拍片介紹下添😋
______________________________
店名：Joyful Dessert House
環境🏝：8.5/10
服務💁🏼♀️：9/10
價錢💰：7/10
食物質素🍝: 8.5/10
整體🙆🏻♂️：8.8/10（吃貨推介👍）
地址：
旺角黑布街74號藝興大廈地下2及3號舖
張貼
