影片
更多
2020-06-08
328 瀏覽
真心奉勸大家唔好食尼間餐廳，除非你想俾錢買難受+chur住食野+受氣。經Openrice book位，有88折優惠（雖然係食生日飯，但佢個生日月85折優惠只限星期一至四...）未去到食飯都已經深深感受到佢嘅服務同安排有幾咁「優質」。我前一日係Openrice book位book 19:00，主題係生日，想坐圓形梳化枱(indoor)。佢17:20先打尼話得翻Outdoor, 問我要唔要，唔要就俾其他客。你17:00先開門做生意？你唔早啲通知？你冇梳化位都算，坐indoor至少影相光猛啲，又有冷氣，舒服啲。聽完電話都諗住揾第二間餐廳，但佢地咁遲先打尼，睇Openrice book位，似樣啲嘅餐廳最早都得21:00/21:30...... 咁唯有照去喇。一坐低就同我地講Menu有邊啲有優惠邊啲冇，仲有用餐時間90分鐘。我心諗，你收得尼個價錢仲要限人食90分鐘，有少少過分。不過唔緊要，我諗應該都食得切。我問埋甜品可唔可以寫Happy birthday，佢話要book台嗰陣講埋先有，如果唔係就要加$30。我話我係Openrice有講明係慶祝生日，你同事亦冇問我。咁佢就話都可以寫俾我，但如果加埋
經Openrice book位，有88折優惠（雖然係食生日飯，但佢個生日月85折優惠只限星期一至四...）
未去到食飯都已經深深感受到佢嘅服務同安排有幾咁「優質」。我前一日係Openrice book位book 19:00，主題係生日，想坐圓形梳化枱(indoor)。佢17:20先打尼話得翻Outdoor, 問我要唔要，唔要就俾其他客。你17:00先開門做生意？你唔早啲通知？你冇梳化位都算，坐indoor至少影相光猛啲，又有冷氣，舒服啲。聽完電話都諗住揾第二間餐廳，但佢地咁遲先打尼，睇Openrice book位，似樣啲嘅餐廳最早都得21:00/21:30...... 咁唯有照去喇。
一坐低就同我地講Menu有邊啲有優惠邊啲冇，仲有用餐時間90分鐘。我心諗，你收得尼個價錢仲要限人食90分鐘，有少少過分。不過唔緊要，我諗應該都食得切。
我問埋甜品可唔可以寫Happy birthday，佢話要book台嗰陣講埋先有，如果唔係就要加$30。我話我係Openrice有講明係慶祝生日，你同事亦冇問我。咁佢就話都可以寫俾我，但如果加埋名就要加$30，咁我話Ok，再諗諗先。
Order完之後，過咗十幾分鐘(19:24)，就上咗我杯Margarita。
Margarita (Lychee)
$98
13 瀏覽
0 讚好
0 留言
然後再過多一陣（19:32, Order後大約15分鐘）就上生蠔。
新鮮生蠔
$68
8 瀏覽
0 讚好
0 留言
過多十幾分鐘(19:46)先上第一個Main Course（但未上沙律...🤷🏻♀️）
意式白酒燴海鮮意粉
$288
6 瀏覽
0 讚好
0 留言
之後先上沙律 (19:51)....🥴🤔
凱撒沙律+煙燻三文魚
$176
5 瀏覽
0 讚好
0 留言
嗱！食90分鐘，即係20:30要交枱，但仲有兩個Main Courses未上（甜品諗住食到咁上下先嗌）🤗
去到八點正，終於上第二個Main Course...🥱🤗
12小時慢煮美國一級牛小排（500克）
$398
8 瀏覽
0 讚好
0 留言
過咗6分鐘 (20:06)，終於都上埋最後一個Main Course......
西班牙橡果飼黑毛豬（280克）
$298
3 瀏覽
0 讚好
0 留言
食咗一陣，已經有人「提醒」仲有十幾分鐘就要交枱。🙄
好喇，咁我同屋企人就急急腳食埋啲扒，諗住嗌埋甜品。
叫咗個侍應 (A)過尼落甜品，落完後我話想就咁寫Happy birthday，唔使寫名。佢話要加錢，我就話你同事啱啱話唔加名就唔使加錢。佢話幫我睇睇。
過咗一陣 (食到好趕 啲侍應又成日望住我張枱行尼行去 好大壓力)。我叫翻侍應A，話個甜品起得。佢好似未訓醒，呆呆地望住我問「甜品？」。嘩，幾分鐘前嘅事都可以唔記得咗，之後仲要有啲串咁講野，咩服務質素？
終於有甜品食(20:28).....🤗🤗🤗
手工黑加侖子意大利雪糕配朱古力脆餅
$108
8 瀏覽
0 讚好
0 留言
最後都知咩事喇 咪又係要趕頭趕尾咁影相同食埋佢。我Daddy Mummy食得超趕，想一家人傾住計慢慢食都唔得，俾錢買難受。食緊甜品個陣，個侍應仲俾張單我地叫我地買單..... 咩世界？
好心你限人地90分鐘嘅同時都限吓你地嘅上菜速度喇🙄 咩營運方式？🙄
真心奉勸大家唔好食尼間餐廳，除非你想俾錢買難受+chur住食野+受氣。
最後計埋優惠，$1,5xx買單🤗 真係好「難忘」嘅90分鐘生日飯。
張貼
