影片
更多
2013-04-14
128 瀏覽
較早前參加咗 Royal Plaza Hotel Facebook 專頁嘅遊戲「傾心情人節問答遊戲」# 3 問有關中菜廳帝京軒情人節中式晚宴有幾多道菜，最快回應而又答啱仲要 Send email 俾酒店，就可以得到 Lion Rock 自選中式/西式下午茶二位。好幸運成為得獎者，不過收到電郵之後，要親身去 Lion Rock 取酒店特別設計嘅禮封和換領信，再睇睇細則，原來只可以係星期一至五享用，同我上次玩另一間酒店遊戲得到嘅中式下午茶好唔同，唔限日子仲可以任食，所以今次真係度期去食都諗咗好多。最後揀咗星期五下午，Lion Rock 係 Royal Plaza Hotel 嘅新裝酒吧，風格時尚。而 Lion Rock 名符其實，就係獅子山。酒吧一排嘅落地玻璃，可以直望獅子山。職員提供 iPad 餐牌給我們，由於用換領信嘅關係，只可以揀西式淺嚐之選。 而餐飲選了橙汁，味道不錯，很清新。三層架出場了，好高呀！食物賣相精緻，影完相就開餐喇，我今日仲未食午餐架。海蝦帶子撻很特別嘅賣相，帶子夾著海蝦，放在長方形撻盤上，帶子和海蝦尚算彈牙，配上嘅醬汁，也很不錯，而撻底仍然鬆化。黑松露菌燴田螺撻仍然係
最後揀咗星期五下午，Lion Rock 係 Royal Plaza Hotel 嘅新裝酒吧，風格時尚。
而 Lion Rock 名符其實，就係獅子山。酒吧一排嘅落地玻璃，可以直望獅子山。職員提供 iPad 餐牌給我們，由於用換領信嘅關係，只可以揀西式淺嚐之選。
而餐飲選了橙汁，味道不錯，很清新。
三層架出場了，好高呀！食物賣相精緻，影完相就開餐喇，我今日仲未食午餐架。
海蝦帶子撻很特別嘅賣相，帶子夾著海蝦，放在長方形撻盤上，帶子和海蝦尚算彈牙，配上嘅醬汁，也很不錯，而撻底仍然鬆化。
黑松露菌燴田螺撻
仍然係用沙律菜作為裝飾，黑松露菌燴田螺，醬汁很惹味，而撻底鬆化，係不錯的小食。
黑松露菌鵝肝醬少量沙律菜放面，大大片黑松露菌加上幼滑鵝肝醬，味道不錯，最底是餅乾層，可以中和鵝肝醬嘅膩滯感。
黑松露菌煙三文魚麥包
由於是兩件疊起擺放，一件有黑松露菌，沙律醬係面，而放底嗰件係無，真係好得意。煙三文魚味道不過不失，配上被煙三文魚麥包一齊食，啱晒怕食味重嘅煙三文魚。
黑松露菌法式燉蛋估唔到黑松露菌都可以同法式燉蛋一齊食，法式焦糖燉蛋可能放涼了，焦糖食落有點甘苦味，燉蛋香滑味濃，不過我喜歡食中式燉蛋多啲。
草莓撻
大大粒士多啤梨好吸引，用上綠色的粒粒裝飾就好似士多啤梨葉一樣，撻底香脆
，如果可以加上多一點吉士醬就好喇。
黑松露朱古力蛋糕香濃幼滑嘅朱古力面，加咗金箔，增添貴氣。內裡朱古力慕絲為主，不過氣孔稍多，不夠滑，朱古力蛋糕部份較少，而底部都有餅底。
白朱古力芝士蛋糕白朱古力碎夜面，下面係芝士蛋糕，最底係餅底。白朱古力甜度適中，芝士味不太濃，不過啱我口味。
椰子芒果慕絲蛋糕
嘩！有金箔呀！外層係白朱古力，內裡係軟身芒果慕絲蛋糕，最底是撻底。椰子和芒果味道偏淡，而蛋糕食落都幾香軟。
榛子千層酥放在杯子裡嘅榛子千層酥，榛子味太淡，千層酥不香脆，令人失望。
提子鬆餅向上發展嘅提子鬆餅，比平時見開嘅高，由於我唔食提子，要花時間弄走提子，牛油塗上鬆餅是我嘅配搭，鬆餅食落比較腍，很點失色。
洋蔥煙肉撻
像一個蛋撻仔，不過內裡有洋蔥和煙肉，撻餡食落有唔同質感，不過自己鍾意食甜撻多啲。
下午茶由三點開始，我們差不多食到五點幾，天色開始昏暗，職員轉上變色燈，很幻彩嘅感覺。
總括而言，環境都算不錯，旺區想搵地方飲杯嘢都可以去坐坐。食物方面，略嫌用上太多餅底和撻底。另外餐廳服務員對食物不夠熟悉，當我向職員查詢發現食物與餐牌不同時，未能解答是什麼食物，幸好向酒店方面反映後，立即跟進及提供有關資料。張貼
