Lucky Ristorante (已結業)

今日晏晝同好姊妹黎左618上海街既最新文青商場，行完再上三樓呢間cafe食晏，呢度地方相當大，環境相當唔錯，有淡淡乾花香，座位舒適闊落，仲有outdoor添。我地叫左個All day Breakfast 同8安士既紐西蘭頂級肉眼配薯菜。All day Breakfast-夠晒大碟足料，有茄汁豆，粟米，烤蕃茄，炒滑蛋，大啡菇，蒜蓉包，煙肉，香草腸，沙律菜🥗，炸紫蕃薯餅。紐西蘭頂級肉眼配薯菜-塊肉眼足足有8安士，有𡁻頭有肉味，再配埋香草燒汁同份量相當多既薯條同配菜，大滿足。沙律同餐湯-今日餐湯係粟米湯🌽，粟米味好濃。Mocha-兩杯Mocha既拉花都唔一樣☺️，香濃幼滑。