Pancake Hachiko (已結業)

旺角又有地方可以食到人氣日式甜品—梳乎厘班戟。之前食過佢地出品嘅軟雪糕、法式西多士都相當唔錯，今次新出品班戟更令人期待。宇治抹茶提拉米蘇梳乎厘班戟 $98小店出品抹茶甜點/飲品都相當出色，班戟當然要試下抹茶味。忌廉澎湃好似溶岩咁湧出，班戟動L空氣感適中，配上抹茶味忌廉亦唔會太膩。莓莓牛角窩夫 $68牛角包變奏版，牛角變成窩夫嘅presentation食落都好驚喜！窩夫變到好酥脆，橫切面仲見到牛角包嘅蜂窩結構，帶點牛油香，配埋雲呢嗱雪糕同忌廉好夾，而雜莓配料比較清新，非嗜甜控都會愛上。飲品點咗提拉米蘇咖啡拿鐵及宇治抹茶檸檬氣泡。提拉米蘇咖啡拿鐵係飲品版嘅tiramisu，將手指餅蘸入上面嘅cream及下層嘅latte真係好似食緊tiramisu咁。而清爽啲又想飲抹茶嘅話好推介宇治抹茶檸檬氣泡，檸檬酸酸地仲會透返抹茶味出嚟，平衡得幾好，特別適合夏天飲啊！