Sky726

之前都去過彌敦道726號食嘢，見到有呢一間有靚景可以睇嘅餐廳幾吸引，趁放假就同屋企人去食吓啦。雖然當日天氣唔係太好，但係能見度都好高可以眺望成個九龍😍😝慢煮澳洲草飼西冷牛扒 $218 🐂🍟慢煮嘅牛扒真係冇得輸，一定唔會overcook似香口膠，可以保持到嫩滑，又有牛汁。而且個牛都幾厚身，口感唔錯。伴碟仲有薯角同埋露筍，配色幾靚🤣海鮮意大利飯 $178 🦐🍚好欣賞呢個意大利飯，飯粒唔會煮得太硬，啱晒我呢啲懶人。意大利飯嗰醬汁好出色，每一粒飯都俾醬汁包裹住，仲有唔少海鮮，大滿足。餐包🥯、粟米薯仔濃湯🌽、沙律🥗及茶 ☕️$48個粟米湯幾濃，會食到有粟米同薯仔粒仔。而個沙律就加咗黑醋汁，開胃。