Sky726

旺角呢幾多年開咗好多樓上餐廳，如果仔細地搜尋可以搵到啲驚喜。今日我去咗一個位於25樓嘅餐廳，可以居高臨下遠望旺角嘅繁華都市景色😙前菜叫左半打生蠔 🦪 配埋兩杯白汁 （198+78）店員介紹生蠔係有兩個來源地，右手邊大隻啲嘅係蘇格蘭，左手邊細隻啲嘅係愛爾蘭。我自己比較鍾意食右手邊蘇格蘭嘅生蠔，既有淡淡的海水味，亦唔會蓋過鮮味。左手邊比較細隻嘅就比較濃味😌之後配埋兩杯白汁，係黎至智利既酒，有梨子的香氣，亦有芒果的風味。飲左兩杯都有少少醉😆之後主食叫左一個意大利手卷意粉伴野菌巴馬臣芝士，原來手卷意粉係細細粒，係用匙羹食用，好有口感。意粉亦有大量既野菌，就算冇肉類都好飽好滿足咁啱見到有情人節套餐，可能會再黎食