影片
更多
2019-12-04
20 瀏覽
雖然唔係屬於朗豪坊頂樓嘅餐廳，但總算有半個天幕陪住你食漢堡，氣氛十足，而且價格都好親民。德州燒烤牛肉漢堡漢堡嘅份量十足，絕對唔係一口就可以咬盡。淨係睇塊牛肉已經值回價格，牛肉夠淋又充滿肉汁，又唔會太肥膩。入邊仲配以香脆嘅煙肉同埋洋蔥圈，仲有芝士，食落口感豐富。升級套餐除咗有薯條同酸青瓜，仲會有是日精選奶昔。今日嘅奶昔就係Berry Love。Berry Love 係雜莓雪糕、木莓加忌廉。奶昔飲落好香滑，有較重士多啤梨味，同時又會飲到香濃嘅牛奶味。熱熔拉可雷特芝士漢堡同樣係一個分量十足嘅漢堡，包入邊除咗有即溶芝士，仲有、漢堡扒、豬肉腸、薯餅同埋特式醬汁。厚厚嘅即溶芝士，一拎起麵包就做到拉給絲嘅效果。所選用嘅芝士唔會太咸，並冇搶去漢堡包嘅味道。最後唔少得嘅甜品，就係黑朱古力香蕉夾餅
德州燒烤牛肉漢堡
漢堡嘅份量十足，絕對唔係一口就可以咬盡。
淨係睇塊牛肉已經值回價格，牛肉夠淋又充滿肉汁，又唔會太肥膩。
入邊仲配以香脆嘅煙肉同埋洋蔥圈，仲有芝士，食落口感豐富。
升級套餐除咗有薯條同酸青瓜，仲會有是日精選奶昔。今日嘅奶昔就係Berry Love。Berry Love 係雜莓雪糕、木莓加忌廉。奶昔飲落好香滑，有較重士多啤梨味，同時又會飲到香濃嘅牛奶味。
熱熔拉可雷特芝士漢堡
同樣係一個分量十足嘅漢堡，包入邊除咗有即溶芝士，仲有、漢堡扒、豬肉腸、薯餅同埋特式醬汁。
厚厚嘅即溶芝士，一拎起麵包就做到拉給絲嘅效果。所選用嘅芝士唔會太咸，並冇搶去漢堡包嘅味道。
最後唔少得嘅甜品，就係黑朱古力香蕉夾餅
張貼
