Woods (已結業)

係火車站行落黎， 突然見到有間裝修幾靚既餐廳! 係門口見到大大既餐牌， 原來主要食西班牙野。 見價錢合理、唔駛等位裝修又幾靚於是成班人就入左去試新野。 我地每人叫左個湯飲， 佢有三款湯。 但我地最後只揀左兩款湯~~5個磨菇湯，1個海鮮湯。 磨菇湯一致贊不絕口; 致於個海鮮湯呢 。。。其實好濃好香但個人認為略咸。於是叫左個香草蕃茄包。。。 個湯加埋香草包就岩岩好可以中和到d 咸味。 我最鐘意個煎鴨胸， 外面脆一切開有少少岩岩好少少紅。 勁正。。。 蟹肉沙津、蟹肉蛋餅都好食。 個牛扒同西班牙沙飯我地都覺得好抵食。 平時出醉d餐廳食牛扒無四五百都唔得仲未必好食， 呢扒牛的質地又唔差二百蚊有找， 配炸薯仔絲幾特別。牛面肉都係第一次食 入口即溶。 西班牙燒豬之前係第二間食過真係麻麻 但呢間一試難忘! 我地連個配菜都唔放過眨下眼就將碟豬豬消滅左。。。不過怕食肥膩野既人就唔好叫豬豬喇! 其他野都OK 架﹗不過掛住食又驚佢地凍左唔好食，所以無影到。試埋佢D甜品搞到肚脹卜卜平均每人都係二百幾 。