Ocio (煙廠街) (已結業)

我地入到去叫咗兩個dinner set。一個dinner set 有一個湯一個主菜一杯飲品。食物嚟講萛係高質素，除左味道賣相都好吸引之外，份量都好夠。而環境嚟講都非常舒適，因為燈光偏暗， 即使餐廳唔算太寬躺，但都好空間感，食物未到就同朋友傾得好投入。蘑菇忌廉湯味道好唔錯， 唔會太濃亦都唔會太淡，如果有個蒜蓉包嘅話口感會更佳。牛肝茵煙肉忌廉手工意粉意粉口感唔錯，食落比較彈牙，個汁同個牛肝茵煙肉亦都好夾。不過味道方面就普通少少唔算太有驚喜。 軟殻蟹黑松露意大利飯首先要讚一讚意大利飯個汁， 唔會太澀亦都唔會太稀，所以個飯食落去口感好好。 味道方面，黑松露嘅味唔萛太出，但係軟殻蟹就煮得好夠味， 一啖飯一啖軟殼蟹都食得好享受。凍奶茶/凍檸茶呢度嘅檸茶同奶茶都係用英式荼，同茶餐廳嘅唔同。而且提供糖漿同奶嘅份量都係自己控制，可以按自己需要決定落幾多。