集蘭冰室 (已結業)

又到星期五既早餐時間喇，今次同事揀左呢間「集蘭冰室」，對於路癡既我，一如以往我都係迷路了!!!但其實間店好易搵，地鐵站B出口一直向南記/Esso油站方向一直行就啱架啦!!!!我係戇居居，去到南記仲兜左個少圈，去左後面一條街， 好在望到Google Map發現唔對路行番轉頭，先唔洗遲到咋第一次半自助形式咁落單，每枱都會有個牌仔有個QRcode雖然寫iphone相機，實際係任何品牌都可以，只需要輕輕一掃個QR然後就可以落單，但我個人都係鍾意人手落單比較親切同互動啲!!雖然個App都可以揀想轉既類別，但始終人手寫單較好，一來無咁浪費(唔洗每人一張單)，二來又唔洗有落錯單既機會，今日都有人㩒錯左，所以攪到本來想飲既飲唔到變左其他飲品，想食通粉又㩒錯左麵咁囉！不過呢個落單方式，其實好方便AA用餐既朋友，自己拎自己張單，唔洗煩。但對於一班人或者老細請就唔太方便喇