牛極 (雅怡居)

營業中

休息中

大家好耐冇得去日本，但可以係香港輕鬆食到石板燒。只要你隨便叫任何一款燒肉，都可以任飲牛肉湯、食粒粒白飯和柚子沙拉菜。最平55蚊🤣🤣，仲要不用加一。 門口有售票機，你去按你想人食既餐。 用現金俾錢，跟住有張收據。 張收據俾waiters 就可以。 我地叫左2款燒肉！ (5⭐⭐係最高，星星分數係比較同一間餐廳的不同食物） 日式雞排燒⭐⭐⭐55蚊佢燒左好耐都仲好多汁。 平價之選！200g 澳洲牛仔肉眼⭐⭐⭐115蚊肉眼有5cm厚。 食頭兩舊好好食，好多汁。即使有圍裙，但我一切塊肉，d油係咁彈到我隻手d。過左唔夠一分鐘，塊肉已經老左😅😅 仲有幾多跟腱位。 日式牛肉湯⭐⭐⭐⭐第一轉出去，已經冇曬湯。酸酸地好開胃，內面有d蕃茄、椰菜、牛肉粒。飲左碗湯再先再食肉。好正。第二轉出去都係冇曬😆，真係好受歡迎。放心！好快有人refilled。環境好舒服，因為疫情所以坐四人位。改善：如果可以話俾我知燒幾耐就好。因為好快就燒到塊肉老左。🥲d油係咁彈到我隻手。（唔知有冇方法改善） 不過，價錢真係好親民。