影片
更多
2010-11-17
20 瀏覽
星期六放工嘆茶 ~ 但都係工作一部份，唉 ~ 幾個客專誠黎公司搵我食飯，原先佢地好想食日本野，但無奈地紅磡並無有質數既日本餐廳，行到漁人碼頭，唔想再浪費時間四圍搵，咁唯有又係飲茶啦，還掂我幾個客都未去過囍滿庭 ~ 我黎我最喜愛既無敵海景酒樓，連我啲客都大讚個景真係好正呀，飯後大家都好滿意好滿足 ~海蜇薰蹄，真係好食過好多燒臘舖、街市或快餐店，處理得佷好，夠晒凍。薰蹄夠香、肉味濃、肉嚥靭、皮彈牙，海蜇爽口鮮味。好多年無食過咁有水準既海蜇薰蹄喇，如果可以落幾滴麻油提升香味，咁就真係錦上添花喇。脆皮燒腩仔，保持高水準，皮脆肉嫰，係有四層架，層次分明，我諗遲早可以做到最高境界五層燒腩仔。點少少黃芥辣提味，咸香撲鼻，多層唔同既口感，脆、滑、爽、嚥靭，超級既享受。口水雞，好微好微既辣味，此菜式食其香不是食其辣，雞肉嫰滑亦無過肥，汁料非常惹味香口。炸明蝦角，此小點比起以前稍遜，無左外層既炸粉絲卷住、無左裡面厚厚彈牙蝦膠。雖然依家仲叫做好食又炸得香口，但啲餡少左好多囉。魚湯鮮竹卷，將蠔汁轉做魚湯，味道清新左好多，無左油膩感同飽滯感覺，好喜歡，如果能夠再熱啲、再多啲湯更正。淮山四寶雞札，賣相扣好多分，好
海蜇薰蹄，真係好食過好多燒臘舖、街市或快餐店，處理得佷好，夠晒凍。薰蹄夠香、肉味濃、肉嚥靭、皮彈牙，海蜇爽口鮮味。好多年無食過咁有水準既海蜇薰蹄喇，如果可以落幾滴麻油提升香味，咁就真係錦上添花喇。
脆皮燒腩仔，保持高水準，皮脆肉嫰，係有四層架，層次分明，我諗遲早可以做到最高境界五層燒腩仔。點少少黃芥辣提味，咸香撲鼻，多層唔同既口感，脆、滑、爽、嚥靭，超級既享受。
口水雞，好微好微既辣味，此菜式食其香不是食其辣，雞肉嫰滑亦無過肥，汁料非常惹味香口。
炸明蝦角，此小點比起以前稍遜，無左外層既炸粉絲卷住、無左裡面厚厚彈牙蝦膠。雖然依家仲叫做好食又炸得香口，但啲餡少左好多囉。
魚湯鮮竹卷，將蠔汁轉做魚湯，味道清新左好多，無左油膩感同飽滯感覺，好喜歡，如果能夠再熱啲、再多啲湯更正。
淮山四寶雞札，賣相扣好多分，好似散晒咁，顏色又暗淡，比人一種好齋好寡感覺。淮山口感好粉、魚肚棉滑、雞柳肉嫰、冬菇香濃夠腍，不過不失，都可以啦。如果淮山切到薄如紙，烚軟才卷住四寶就唔會散開，我係雜誌見過。
水晶蝦餃，蝦肉鮮爽、皮薄餡靚，高質數。
蟹籽燒賣，口感實淨啖啖肉，算係中上級質數，蟹籽雖然味淡，但一粒粒脆卜卜，口感有趣。豬肉味濃，少量肥豬肉提升香味，唔會散又唔太肥，好滿意。
烚菜芯配淡豉油，新鮮爽嫰，夠正。
珍珠雞，我好欣賞依度啲珍珠雞，係暫時我食咁多間酒樓中最足料、入味又唔油膩既一間。糯米蒸得非常軟墊、黏口，好正。咬落去每一啖都有餡，唔會淨係得糯米，而且仲有份量不少既咸蛋黃喎，好正。
灌湯小龍包，等左好耐，最後先到，之前試過幾次都好滿意，但今日失左手喇。蒸得太耐，湯汁留失晒，皮已開始變硬，亦已塌下，唔再飽滿咯，咬落口乾爭爭，差。
咖喱魷魚，啲汁好杰，微辣，味道跟係街邊小販一樣，一般啦。
張貼
