The French Window (已結業)

餐廳環境唔錯，全部座位都望到維多利亞港，影相都好靚。當日去食大約六成full，餐廳服務一般，可能因為疫情關係，只有兩個waitress。飲完水要自己叫人斟，服務員唔會主動去留意客人需求。餐前包點都ok，食嘅時候都暖暖哋同幾軟熟，唔夠可以要求再添。今次前菜係生蠔，無特別，唔鮮甜。餐湯係洋蔥湯，個人唔太鍾意個味道，味道似加咗水嘅洋蔥汁。主菜揀咗豬腩肉同安格斯牛扒。豬腩肉整得好入味，有80分，配菜同豬腩肉好夾。至於牛扒，我叫咗7成熟，grill的部分太lone，有少少苦，牛扒嘅牛味都好一般，勝價比好低，建議選擇豬腩肉。今日甜品係焦糖燉蛋，好好味。一向好怕焦糖燉蛋燉蛋有陣蛋腥味，但呢個燉蛋完全冇蛋腥味，亦唔會太甜。總體嚟講，如果對食物冇乜要求，呢度適合同朋友食飯傾偈。