Gelare (已結業)

由於社會運動搞到冇地方想去，於是就揀咗大家都好就腳嘅新蒲崗。友人K想飲好味咖啡，於是我就推介咗呢間Gelare。我叫咗辣肉腸熱狗、咖啡同玫瑰味雪糕窩夫。友人K要求拉花要Line公仔，我要鼻窿雞(居然有人知係咩嚟)。雖然啲線唔係好實，我隻雞又方型得滯，但味道幾好，啲奶夠香啡又夠濃味。辣肉腸熱狗一如以往熱辣辣，食咗早餐有啲飽都咁好味。玫瑰味雪糕其實有啲怪，但情意結鍾意玫瑰，窩夫底今次唔夠外脆又唔夠熱，有啲失望。