Ceres Boulangerie et Patisserie (已結業)

星期日必定係度買麵包先安樂但係今日我係食完澳牛, 行完海運先黎去緊途中已經擔心蘋果裸麥包會賣晒去到果然.......真係太晏(差唔多四點)心情頓時跌落谷底.....都買咗個合桃提子黑麥包見到廚房門口嗰tray擺咗啲麵包, 以為啱啱出爐,就請求同平時唔同嘅姐姐可唔可以要嗰啲佢都幾有禮貌咁話其實同櫃入面嗰啲係一樣, 只係冇位放先擺咗係度但係我哋想要都冇問題態度唔錯可惜....麵包啲料出奇地少真係好少,,,,,有啲失望, 但係今日天氣咁好,坐係屋企客廳打開窗, 係太陽底下食塊麵包, 飲啖奶,過個平靜嘅下午, 好悠閒希望下星期食番ceres嘅蘋果裸麥包會回復水準!