地點：中環嘉咸街
菜式：日本菜
餐牌：主餐牌有沙律，酒肴，天婦羅，揚物，食事，一品料理，燒物，串燒，飲料，刺身盛。另外都有時令黑板餐牌。
燒鱈魚干 $48 另加一
燒鱈魚干一客八片，燒得好脆口又薄，魚味適中，點另上沙律醬好正，滑溜中帶辣辣七味粉辣味。
鮟鱇魚肝 $88 另加一
鮟鱇魚肝一客兩件，好厚身，非常滑溜，完全唔腥，面頭加上蔥花，伴有白蘿蔔蓉同薑蓉，個汁酸酸地好開胃。
酒盜芝士 $68 另加一
酒盜芝士係多條滑溜軟芝士條，加上酒盜醬同白芝麻粒，味道特別，醬汁偏鹹。伴有8片克力架餅乾，可以平衡鹹味，又多一重口感。
油甘魚鮫 $138 另加一
油甘魚鮫大大件，燒得燶面，皮脆肉嫩，好有魚味。伴有酸汁，白蘿蔔蓉同檸檬。味道酸酸地，更好味。
叫左幾款串燒。
日本豚腩 $48 另加一
日本豚腩一串兩大件，中間夾有大蔥。豚腩又厚又脆又多汁，好正，味道鹹味適中。大蔥燶面，都甜。伴有檸檬。
雞軟骨 $35 另加一
雞軟骨一客多件，好脆口，骨外圍都有好多肉食。
雞翼 $45 另加一
雞翼係一串兩隻雞中翼，燒得皮脆肉多汁，好香口，正！
雞頸肉 $35 另加一
雞頸肉一串大概有四件，味道都唔錯，伴有檸檬。
雞皮 $38 另加一
雞皮一串多片，燒得好脆皮，又薄又脆口。伴有檸檬。
飯團 $90 另加一
飯團燒得塊皮好脆，有飯焦食，醬油味唔錯，唔會太鹹，墊有紫菜一片，伴有黃蘿蔔漬物同日式芥末。
今餐食物質素唔錯，服務員非常有禮，環境舒適。
