影片
更多
2019-01-10
212 瀏覽
今天又返去我母家-太古。經過呢間餐廳好多次，好想食，但一直未有機會。今天又經過，無意中比我發現個dinner menu set,只係$298 per person. 雖然吾算太平，但我覺得可以一試，話哂都係連續三年米芝蓮推介的餐廳，絕對可以值得一試，於是我們入去。入到去，我們好幸運，被安排到梳化位坐，好闊落，好舒服。全餐廳是暗暗的，加上小小音樂，好放鬆。menu上當然有剛才門外看的dinner set menu. $298-3 courses,有齊頭盤、主菜、甜品及餐飲，以米芝蓮意大利餐廳，我真心覚得抵！於是我們叫了兩個dinner set,再加一個7‘ pizza,因為聽說佢地的pizza好好味，好正宗。首先來到我地面前，是一籃意大利麵包。真係好好味😍 好香好軟，好有意大利風味，加上橄欖油和醋伴來食，好正！呢藍好快已被我地吞噬，侍應之後好有禮貌問我地仲要不要，原來可以refill,咁我就客氣地話加少少，因為真好好食，但又吾好意思叫加得多😛，之後送上來，我地又九秒九咁清左，無得頂！跟住- Appetizers:～特級水牛芝士卷伴脆巴馬火腿～嘩，賣相已好靚😊 黃色之芝士及巴馬火腿包住一些
入到去，我們好幸運，被安排到梳化位坐，好闊落，好舒服。全餐廳是暗暗的，加上小小音樂，好放鬆。menu上當然有剛才門外看的dinner set menu. $298-3 courses,有齊頭盤、主菜、甜品及餐飲，以米芝蓮意大利餐廳，我真心覚得抵！於是我們叫了兩個dinner set,再加一個7‘ pizza,因為聽說佢地的pizza好好味，好正宗。
首先來到我地面前，是一籃意大利麵包。
真係好好味😍 好香好軟，好有意大利風味，加上橄欖油和醋伴來食，好正！呢藍好快已被我地吞噬，侍應之後好有禮貌問我地仲要不要，原來可以refill,咁我就客氣地話加少少，因為真好好食，但又吾好意思叫加得多😛，之後送上來，我地又九秒九咁清左，無得頂！
跟住- Appetizers:
～特級水牛芝士卷伴脆巴馬火腿～
嘩，賣相已好靚😊 黃色之芝士及巴馬火腿包住一些薯蓉，外脆內軟，好有口感，加上紅色的西瓜醬汁，好甜美，兩者混埋，好特別，好好味。
～生牛肉他他配煙燻蛋黃汁～
原來生牛肉係咁好味！平時好少食，那種鹹鹹地加上蛋黃醬嘅小小酸酸地，好醒胃，正！
主菜：
～四重芝士意大利巴馬火腿Pizza～ $160
熱辣辣,香噴噴嘅Pizza上碟. 未食已聞到陣陣芝士嘅香味，果然是四重奏芝士。濃濃的芝士配上鹹鹹的巴馬火腿，加上真正嘅意大利包做底，烘得脆脆的，真美味。所以很多人都推介說這是很正宗的意大利Pizza。
～香煎章紅魚伴墨魚菠菜配羅勒欖油汁~
呢個絶對要推介！條魚好香滑，啖啖肉，皮煎得脆卜卜。加上好清甜，滑溜的墨魚，再配上清甜綠油油的菠菜，一碟很清新的菜色！雖然已食了咁多，但不覺飽，好快已食完仲想繼續食。
～白酒會牛膝伴焦糖椰菜花薯蓉～
這個好大件的牛肉膝，由於好少食，原來有些似牛尾，好大件，也好入味。有牛根伴住，加上脆脆的青豆及蜜糖般的薯蓉，口感好豐富，份量也很多，差些真食不完。
甜品：
～香橙朱古力蛋糕配香草雪糕～
My favourite 😍 朱古力蛋糕，好濃厚嘅朱古力味，亦都好結實，好似英國某些品牌嘅朱古力stone cake，伴隨厚厚的cream 及微酸的橙, 朱古力迷的我, 第一次食這種配搭,真是很特別，也好好味。差些忘記了伴隨的雲呢拿雪糕，好滑，加上冷冰冰的感覺，好perfect.
～草莓撻配乳酪野莓雪糕～
士多啤梨配以一些忌廉的撻，餅底脆脆的，加上大微酸的野莓乳酪雪糕，又是另一款甜品特色。賣相也相當出色，好靚呀。
餐飲：
～凍奶茶～
一般高級餐廳一樣，可自行加奶加糖漿,根據自己個人的喜好。
至於餐廳服務，非常好👍，每一道菜是有次序的上，每項食物食完都換碟，服務水準很高，真係要贊一贊各位服務員！
這係我第一篇寫超過一千字的食評,因為真心覚得很好！餐廳環境優雅舒服,食物水準是令人有驚喜的,服務水準又優越，價錢又不是太貴，真係好想快啲又再去食😍😍
張貼
