影片
更多
2023-02-12
230 瀏覽
餐廳名稱：夢（中環）Yume Cuisine 一直都好掛住日本的懷石料理，見到呢間餐廳主打埋石料理，就覺得需要值得一試1. 先付 好有驚喜，好好味～有我最鍾意食嘅鮟鱇魚肝，西班牙柿，蜜瓜啫喱，感覺好新鮮，主廚將我最喜歡嘅食物全部放晒响喥👍🏻2. 八寸豆子包白蘆筍～味道清甜👍🏻五色米通蕃薯～口感一般，米通未夠脆口慢煮低溫八爪魚配士多啤梨醬～配搭食材特別有驚喜，八爪魚煮得入味又淋身👍🏻粟米果凍菜之花～好好味😋好有粟米味，菜好有口感，爽脆清甜👍🏻3. 替 薄切左口魚薄切～首2片配岩鹽感覺不錯，有三件包住酸汁啫喱及日本薑花，口感實在，不過，我都係覺得配少少岩鹽好味啲☺️4. 膾西米米通配墨魚汁，配北海道牡丹蝦，法國魚子醬，牡丹蝦蝦膏～好好味，好脆口，好濃郁的蝦味，樣又好靚👍🏻5. 刺身 魚 貝二點象拔蚌～有少少醒味，口感就幾脆口的，我覺得如果可以配一小片青檸會好少少。赤背～感覺比象拔蚌新鮮好多，好脆口好鮮甜👍🏻6. 揚物脆凍～紅菜頭做咗外層脆皮，配新西蘭龍蝦👍🏻海膽醬配松葉蟹～海膽醬泡泡好好味～松葉蟹味道一流👍🏻7. 造影 三點青魚刺身～感覺都還不錯的拖羅～由底中高咁食啦，不過，有啲失望，因為，
一直都好掛住日本的懷石料理，見到呢間餐廳主打埋石料理，就覺得需要值得一試
1. 先付
好有驚喜，好好味～有我最鍾意食嘅鮟鱇魚肝，西班牙柿，蜜瓜啫喱，感覺好新鮮，主廚將我最喜歡嘅食物全部放晒响喥👍🏻
2. 八寸
豆子包白蘆筍～味道清甜👍🏻
五色米通蕃薯～口感一般，米通未夠脆口
慢煮低溫八爪魚配士多啤梨醬～配搭食材特別有驚喜，八爪魚煮得入味又淋身👍🏻
粟米果凍菜之花～好好味😋好有粟米味，菜好有口感，爽脆清甜👍🏻
3. 替 薄切
左口魚薄切～首2片配岩鹽感覺不錯，有三件包住酸汁啫喱及日本薑花，口感實在，不過，我都係覺得配少少岩鹽好味啲☺️
4. 膾
西米米通配墨魚汁，配北海道牡丹蝦，法國魚子醬，牡丹蝦蝦膏～好好味，好脆口，好濃郁的蝦味，樣又好靚👍🏻
5. 刺身 魚 貝二點
象拔蚌～有少少醒味，口感就幾脆口的，我覺得如果可以配一小片青檸會好少少。
赤背～感覺比象拔蚌新鮮好多，好脆口好鮮甜👍🏻
6. 揚物
脆凍～紅菜頭做咗外層脆皮，配新西蘭龍蝦👍🏻
海膽醬配松葉蟹～海膽醬泡泡好好味～松葉蟹味道一流👍🏻
7. 造影 三點
青魚刺身～感覺都還不錯的
拖羅～由底中高咁食啦，不過，有啲失望，因為，最愛食拖羅嘅我，發現佢嘅拖羅唔太新鮮，脂肪不足⋯⋯對比分量同價錢，真係😮💨好失望
BB銀鱈魚～呢幾驚喜，油脂分布充足，食落口感相對細滑，再配上燒過的味道，令到油分的香味更突出👍🏻
8. 碗物
木光魚碗物～首先眼見嘅呢條木光魚炸/燒得好脆口，味道做得好清甜鮮味，好好食😋
下層有一層好薄嘅蘿白片都幾入味淋身，再嚟有一層双色麵團，本身本身都真係好鐘意食麵團，麵粉⋯⋯的製品，可惜一入口😫完全真係一塊麵團～無味，無口感，得個顏色😅
再嚟就係蘿白包魚肉😮💨救命～真心好難食，個魚肉個質感好差，無彈性，無口感，無味道⋯⋯乜都無，完全食唔落😫
本身見到魚湯真係好開心，點知～係完全無味，無魚味，比水好少少少少嘅湯😔
9. 蒸物
慢煮帶子配什菌～呢好好味，面層泡泡好有帶子嘅味道，而粒帶子用慢煮的手法再去煎香，做出嚟仲效果好好食👍🏻
10. 壽司五貫
金木鯛～正常
針魚～正常
白蝦～處理得幾好味😋
剝皮魚～個醬汁做得幾好味😋
拖羅～切紋再燒，正常味道
漬物～個薑好好味👍🏻
漬物～柚子蘿蔔漬物，幾清新👍🏻
11. 海膽創作料理
北海道馬糞海膽，紫針海膽，三文魚魚籽～海膽算鮮甜，三文魚魚籽處理得幾好味，但略嫌酒味太濃味，而海膽分量太少了
12. 止碗
草莓香印提子～配搭都幾特別，但一啲都唔夾😂
山形縣梨～一開始上嚟有少少壞，後期有更換返
靜岡縣蜜瓜～比較淋身，感覺上已經放咗一段時間，唔算太新鮮，亦冇蜜瓜應有嘅質感。
自家製糯米糍～非常之失望嘅糯米糍，沒有口感可言，紅豆配料沒有味道
價錢：$1680/一位（另收加一）
好味程度：😋😋😋/5個滿分
價錢抵食度：💰💰/5個滿分
整體感覺：❤️❤️❤️/5個滿分
推介程度：👍🏻👍🏻/5個滿分
——————————————————————
餐廳整體感覺：餐廳裝修感覺幾高貴，但位置偏細，枱與枱之間很近，感覺很沒有私隱。
服務不算太貼心，而待應的制服尤如酒樓一般，對答及介紹食物感覺都不太專業，有一位還不太懂禮貌。
最出色的真係擺盤，非常漂亮，影相一流👍🏻我有
上菜速度很常不恰當，頭段時間，上菜速度比較快，尾段上菜時間非常慢，到最後上完甜品後，過了不足3分鐘，在我們還未提出埋單的時候，已經有人向我們收錢，感覺真的很差，我從未試過去任何一間同等收費的餐廳，會有這樣的提出😢
食物質數配不上價錢收費，份量非常之少，13道菜係正常女仔食量只是不飽不餓，屬於迷你份量懷石料理，而呢個甜品環節做結尾，感覺是非常失望，頭重尾輕，好的開頭，很差的結尾，我覺得整體只值$1080一位（最多）。💔
題外話～我們一家4個人去食飯，其中一位成員，返到屋企，嘔咗2次，最後要食藥先停止，都不知道是否餐廳的食物物質不理一想，還是屋企人的腸胃問題了。🤮
✏️
餐廳名稱：夢 Yume Cuisine
電話：22860860
地址：中環和安里1-3號德和大廈1樓101號舖
#食物小黑洞 #夢 #懷石料理 #迷你懷石料理
#我嘅正職係食盡全世界嘅餐廳，讓食物帶給你一些正能量
張貼
