影片
更多
2022-09-10
923 瀏覽
就在西灣河，一間離地鐵站不遠，街上的轉角位置，有一間燈火光明，大大塊落地玻璃圍繞住的餐廳<南島>。我有幾耐冇去過星馬泰，已經吾重要，因為今晚我終於可以喺<南島>呢一間餐廳，搵返曬旅遊嘅回憶。餐廳裏面，環境非常闊落，坐得好舒適。餐牌上面，食物嘅價錢一啲都唔貴。最抵嘅係竟然連加一都唔使，實在吸引。至於食物款式，就有好多選擇，主要以星馬泰嘅菜色為重點。<海南雞飯套餐 $72>喺呢間星馬泰餐廳，七十幾蚊就食到海南雞飯套餐，價錢非常抵食，最重要係佢嘅海南雞質素非常之高，啲雞皮夠薄，唔會好肥，而且雞肉極為嫩滑，全部已經去曬骨，入口啖啖肉，吃得出有雞味，非常好食。雞油飯好大碗，而且仲有碗雞湯配埋，就連醬汁都做得非常出色。<軟殼蟹撈板麵 $78>依個軟殼蟹撈板麵，材料超級豐富，軟殼蟹係一隻原隻咁上，另外仲有粟米、蟹柳、同埋青瓜絲，配埋特製醬汁，撈埋啲麵一齊食，入口味道微甜，非常好味。軟殼蟹除咗啖啖肉，外脆內軟，入面仲有大量蟹膏，非常吸引。<泰式滷豬手 $118>豬手非常大隻，放在木板上，原隻甘上枱，份量好多。豬手皮炆得又軟
我有幾耐冇去過星馬泰，已經吾重要，因為今晚我終於可以喺<南島>呢一間餐廳，搵返曬旅遊嘅回憶。
餐廳裏面，環境非常闊落，坐得好舒適。
餐牌上面，食物嘅價錢一啲都唔貴。最抵嘅係竟然連加一都唔使，實在吸引。至於食物款式，就有好多選擇，主要以星馬泰嘅菜色為重點。
<海南雞飯套餐 $72>
喺呢間星馬泰餐廳，七十幾蚊就食到海南雞飯套餐，價錢非常抵食，最重要係佢嘅海南雞質素非常之高，啲雞皮夠薄，唔會好肥，而且雞肉極為嫩滑，全部已經去曬骨，入口啖啖肉，吃得出有雞味，非常好食。
雞油飯好大碗，而且仲有碗雞湯配埋，就連醬汁都做得非常出色。
<軟殼蟹撈板麵 $78>
依個軟殼蟹撈板麵，材料超級豐富，軟殼蟹係一隻原隻咁上，另外仲有粟米、蟹柳、同埋青瓜絲，配埋特製醬汁，撈埋啲麵一齊食，入口味道微甜，非常好味。
軟殼蟹除咗啖啖肉，外脆內軟，入面仲有大量蟹膏，非常吸引。
<泰式滷豬手 $118>
豬手非常大隻，放在木板上，原隻甘上枱，份量好多。豬手皮炆得又軟又滑，豬手嘅肉煮得非常入味，配上微辣惹味嘅泰式醬汁，更加好食。
廚師已細心地將豬手肉起曬出來，件件都好多肉，又嫩又好食。
成餐飯兩個人都係食咗二百幾蚊，最重要係唔使加一，抵得來又好食，相信好快會變成我哋嘅飯堂。
張貼
