南記粉麵 (已搬遷) 新店位置

每次去銅鑼灣都會去南記食番碗春卷酸辣米線， 喜歡去這分店，有兩層， 多座位，坐得比其他分店舒服。先買票，後取食物，雖然人多，但出餐快。份量唔細，中辣；可接受，春卷包魚肉，魚肉有口感，煙韌，蘸南記的自家製辣椒醬，辣勁特濃，香味又稍有分別，二合為一，辣味更有層次。辣椒醬跟辣椒油的分別是不加油，純粹把材料打爛成醬，鮮椒的氣味也更突出。食到滿頭大汗，溫馨提示“最好唔好飲湯，雖然有時忍不住飲了幾啖湯，之後一定要搵飲料解渴！