春嬌越南河

營業中

休息中

呢間餐廳位於坑口一間啱啱翻新好嘅商場，入邊有幾間新嘅食肆，而我哋決定先試呢間越南餐廳，睇吓會唔會撞到志明😂。餐廳鼓勵客人用手機落單，所以提供用手機落單減$2蚊嘅優惠，好抵😛，要讚下佢。春嬌火車頭金邊粉估唔到碗粉嘅配料包括花膠，呢個對於想美顏養生嘅人黎講會加晒分。另外佢嘅牛肉同牛腩都易咬開，牛丸都多牛味。香茅豬扒小食豬扒份量比想像多，雖然佢得三塊，但係個三塊每塊都比手掌大少少。而佢嘅味道幾好，係越南嘢食有嘅香茅味，加上佢甜甜地同烤得鬆軟，令我想食多幾塊🤤春嬌秘製燒春雞配薯條好有越南特色嘅燒春雞！先講隻全雞size 係中等嘅，份量大約係1.5個人份量，我地食咗呢幾款食物會覺得好飽食唔晒。講埋佢個皮，似係加左蜜糖再烤過，甜甜地又好脆，佢俾埋半粒青檸你揸汁，個種特色我哋好鐘意。肉質嫩滑，亦配兩款醬汁可以點，鐘意甜辣醬同酸醋嘅人就啱晒。玫瑰茉莉花茶花茶用茶包包住，泡出來有玫瑰同茉莉嘅香味。越南咖啡咖啡都唔錯，但飲開普通咖啡嘅人可以落單要求加少啲煉奶。