影片
更多
2014-02-02
1816 瀏覽
春節期間啲食肆唔係冇開就係加價，冇乜好食就試吓啲其它。有聽過認識嘅印度朋友推薦呢間印度小店，所以走去試吓！之前有經過，買過件油酥餅外賣，但係就冇認真去品嚐！今次係一個 late lunch，裡面唔大，只得５枱，可以坐１８—２０人。入到去已經有４枱人，剛剛剩番張細枱俾我！樓面個應該係印度人，人好nice，識廣東話。因為唔係好肚餓，只叫咗份咖喱雞翼，油酥餅同凍印度奶茶，總括嚟講，味道幾好，以後去開黃金商場附近就多個選擇！雞翼食落味道好似 Tandoori Chicken，不過係炸唔係烤嘅，所以比較多油。我自己好鍾意 Tandoori Chicken 嘅味道。油酥餅同薄餅都係即制即煎，熱辣辣咁食，好正！比較失望係個印度奶茶，主要係同我期望嘅味道唔一樣，可能係唔同嘅地方用嘅香料同配方唔一樣，另外就係入口時水水地冇乜味道，要入咗口後面先有香味，而且有啲好幼細嘅茶渣會經由吸管一齊入口！為咗試真啲，我再叫咗個熱印度奶茶，香味冇因為熱咗而提升，只係因為唔駛用飲管，所以唔駛飲埋啲茶渣入口！
有聽過認識嘅印度朋友推薦呢間印度小店，所以走去試吓！之前有經過，買過件油酥餅外賣，但係就冇認真去品嚐！
今次係一個 late lunch，裡面唔大，只得５枱，可以坐１８—２０人。入到去已經有４枱人，剛剛剩番張細枱俾我！樓面個應該係印度人，人好nice，識廣東話。
因為唔係好肚餓，只叫咗份咖喱雞翼，油酥餅同凍印度奶茶，總括嚟講，味道幾好，以後去開黃金商場附近就多個選擇！
雞翼食落味道好似 Tandoori Chicken，不過係炸唔係烤嘅，所以比較多油。我自己好鍾意 Tandoori Chicken 嘅味道。油酥餅同薄餅都係即制即煎，熱辣辣咁食，好正！
比較失望係個印度奶茶，主要係同我期望嘅味道唔一樣，可能係唔同嘅地方用嘅香料同配方唔一樣，另外就係入口時水水地冇乜味道，要入咗口後面先有香味，而且有啲好幼細嘅茶渣會經由吸管一齊入口！為咗試真啲，我再叫咗個熱印度奶茶，香味冇因為熱咗而提升，只係因為唔駛用飲管，所以唔駛飲埋啲茶渣入口！
張貼
