Ulivo Italian Restaurant & Bar

營業中

休息中

平時lunch 耐唔耐都會約附近返工嘅朋友食好西， 好多時都會去frites, 今日諗住試吓隔離嗰間flames, 但可能天雨路滑， 同埋我哋晏咗出動， 去到門口已經大排長龍！ Lunch set 價位同frites, flames 差唔多， 都係百幾兩百蚊一位。 因為今日好想食牛扒，所以我點左牛扒， medium well. 朋友就食慢煮雞！套餐跟湯/沙律/cold cut . 我要咗沙律， 朋友要cold cut. 沙律同埋cold cut 賣相精美， 味就正常不過不失！ 主菜個牛扒medium well 近乎全熟， 但份量就好大塊， 套菜係跟火箭菜，個牛扒煮得過分熟，所以肉質好鞋。個火箭菜就太多油，食落口感麻麻！朋友點嘅主菜慢煮雞腿， 啲雞肉有好重嘅白酒香味，但非常鞋口。其實係咪雞肉唔適合用嚟慢煮呢！ 最後朱古力蛋糕作結！ 整體感覺，價錢偏貴， 但質數唔算特別突出！