泰海鮮 (已結業)

平時嚟三聖村，通常都係食晚飯，lunch time嚟食海鮮都係第一次！今次難得可以約到成班人嚟食，梗係試多啲款式。一嚟先上一斤白灼九節蝦，印象中應該係第一次食呢隻九節蝦，望落比平時見嘅細隻啲，但係肉質好彈牙，仲好鮮甜，唔覺唔覺就食咗差唔多十隻！另外，仲食咗薑蔥鮑魚煲同泰皇芝心蝦丸，個鮑魚煲啲薑蔥爆得好香，鮑魚都好腍！～ 而泰皇芝心蝦丸啲芝士勁流心，再加上炸得十分乾爽嘅蝦丸，味道同咬口都無咩可以挑剔嘅地方，值得推介！同場加映必食豬扒，估唔到除咗海鮮外，豬扒都又腍又惹味，有驚喜！