影片
更多
2020-03-23
214 瀏覽
過時過節必定帶女皇吃喝玩樂，為搏紅顏一笑。坐滿無位，只能安排到最後巷仔位勁唔開心！貼住幅牆黎左，堅係貼到實黎坐。張檯只夠放一個煲加兩隻小長方碟，細到不停地撞跌野落地，激死我！幸好坐底十幾分鐘就有位掉返出廳坐，心情才平伏一點。白小麥啤，德國來的其實都幾重口味，要飲快一點，越不夠凍就越苦澀越唔想入，大大桶又無冰桶鎮住，快唔到啦！黑小麥啤，味濃凍好飲，唔夠凍就麻麻地，甘味太強唔想飲。蒜香燒大海蝦，新鮮滾熱辣剛剛燒起，熱到連發泡膠碟都溶掉，致癌物質有點心理壓力，點解不跟串燒妹一樣用油紙墊經濟實惠兼環保！珍寶蝦體形吸引燒得香噴噴，蒜香烤香使得食慾大增！入口充滿蒜蓉辛甜加微辣惹味，爆汁爽彈帶鮮蝦味，滿分！蒜蓉牛油燒生蠔小辣，調味料還調味料，生蠔還生蠔，完全無任何溝通。居然生蔥、生指天椒，燒完先鋪係面，忘記調味嗎？挑走生蔥生辣椒，只蒜蓉醬汁連蠔啪入！幸好蠔肉厚厚飽滿多汁，爽彈新鮮，甜而不醒。燒蟶子皇小辣，只微微溫暖不熱烘烘。鮮甜味一般，爽嫩度一般，調味都一般。燒雞腎小辣，竟然好好食！香辣落味重手，結實得黎夠爽夠多汁，食得到的雞甜味。燒雞腎、燒鴨舌，非常出色燒雞腎燒鴨舌！鴨舌爽脆肥美多汁無乾掉，香料惹
白小麥啤，德國來的其實都幾重口味，要飲快一點，越不夠凍就越苦澀越唔想入，大大桶又無冰桶鎮住，快唔到啦！黑小麥啤，味濃凍好飲，唔夠凍就麻麻地，甘味太強唔想飲。
蒜香燒大海蝦，新鮮滾熱辣剛剛燒起，熱到連發泡膠碟都溶掉，致癌物質有點心理壓力，點解不跟串燒妹一樣用油紙墊經濟實惠兼環保！珍寶蝦體形吸引燒得香噴噴，蒜香烤香使得食慾大增！入口充滿蒜蓉辛甜加微辣惹味，爆汁爽彈帶鮮蝦味，滿分！
蒜蓉牛油燒生蠔小辣，調味料還調味料，生蠔還生蠔，完全無任何溝通。居然生蔥、生指天椒，燒完先鋪係面，忘記調味嗎？挑走生蔥生辣椒，只蒜蓉醬汁連蠔啪入！幸好蠔肉厚厚飽滿多汁，爽彈新鮮，甜而不醒。燒蟶子皇小辣，只微微溫暖不熱烘烘。鮮甜味一般，爽嫩度一般，調味都一般。
燒雞腎小辣，竟然好好食！香辣落味重手，結實得黎夠爽夠多汁，食得到的雞甜味。燒雞腎、燒鴨舌，非常出色燒雞腎燒鴨舌！鴨舌爽脆肥美多汁無乾掉，香料惹味想食多串。燒豬仔髀，醃味太淡，食豬原味，靠晒蒜蓉汁。醬汁太甜，豬味可以而且啖啖肉，結實帶爽。
燒韮菜小辣，勁爽脆勁鮮嫩。菜甜味非凡。落味重手，略咸略濕。蒜辣風味炒蜆，出水再炒，過火過熟韌韌的，肉汁全部流失，幸好還有微弱蜆味。勁蒜微辣惹味，過過口癮還可。芝士牛油焗金菇，要趁熱食凍左好鬼咸。濃厚霸道的芝士咸香，半溶緊緊鎖著爽甜金菇，趙到爽爽聲，簡單美味好好食。
麻辣雞煲半隻小辣中麻，滾起熄火慢慢嘆，上水終於有間辣雞煲食得過有質素，望望原來市區已有兩間分店喎。硬係唔覺有一整隻雞髀係度。滾起熄火慢慢嘆，雞肉味濃嫩滑，紫洋蔥蒜頭食晒，美味麻辣雞煲，夠辣夠麻好刺激！辣得回味，麻得精彩，夠刺激夠興奮！雞件皮香肉嫩，雞皮沾滿厚厚辣汁，辣汁已輕輕滲透，每啖有雞甜有汁辣，搭著紫洋蔥或蒜子同吃更添情趣。
加拿大特級牛肩肉細，平平無奇，滑滑軟軟，清淡的牛甜味。安格斯肥牛，不過不實，肥美乳香，淡淡然的牛甜味，軟滑跣入舒服舒服，可以食多兩舊。金錢牛展，甜甜的牛味，鬆軟中帶點點嚼勁，食得過。蒙古羊肉片，罕見的厚切，夾著游兩游變色即起！特別多汁甜美，特別鬆軟綿綿，好味喎！
日本廣島蠔，肥嘟嘟脹卜卜，的的式式整粒入口，爆開！蠔汁鮮味濃，肉滑清香。不過帶子位都係渣，再見。美國桶蠔，特級巨型！唔係一味大就好食。蠔身肥美實淨彈彈，咬落蠔汁滲滲，略有蠔味，有百搭辣椒豉油無有怕。帶子位起晒渣吐掉，裙邊韌韌趙不完，同樣放棄。手打鮮蝦滑，粉太多而蝦肉不足，不夠鮮不夠彈，質地似麵團而且偏咸。
水魷魚，觸鬚跳動震騰騰爽脆，魷身嚥韌，兩者沒怎樣味道，幾乎食不到的魷魚味，全靠湯底及辣椒豉油咯。牛柏葉，跟水魷同樣浸發過，本身味道近乎零，食其爽彈的質地及外加調味功乎。灼一灼微縮即起，沾點辣椒豉油，爽彈索索聲散發辣雞湯味，合格可以的。金菇，天然脆甜索汁，好難唔好食喎。粟米，正常品種亦不是頂級，粒粒不瘦削，飽滿脆脆爆汁。
松葉蟹棒，輕輕一烚即散，什麼牌子？無下次！魚腐似足炸魚片，咸度極高，雖然質地好彈。鮮冬菇，彈滑好大隻，爽彈又多汁，菇味濃使人回味。豆卜，索湯一流！豆香加香口，再有辣雞湯緊隨。特大鮮竹笙，未聽過的品種。真係好大碌，聽聞黃色比純白色高質，真的嗎？我喜歡烚到透徹熱辣辣吸盡湯，沾點辣椒豉油，咬落爽脆爆汁美味。手打烏冬，其實我想乾炒架，部份火鍋舖會烚開後比我呢！無緊要，無得炒就煮湯啦。烏冬吸盡所有食材精華，連濃湯狠狠地啜，滑溜彈牙，米香湯甜辣椒豉油惹味，味道精彩複雜，滿分無可挑剔！
蒜香燒大海蝦
16 瀏覽
0 讚好
0 留言
燒蟶子皇小辣
12 瀏覽
0 讚好
0 留言
蒜蓉牛油燒生蠔小辣
25 瀏覽
0 讚好
0 留言
芝士牛油焗金菇
6 瀏覽
0 讚好
0 留言
燒雞腎、燒鴨舌
10 瀏覽
0 讚好
0 留言
燒豬仔髀
3 瀏覽
0 讚好
0 留言
蒜辣風味炒蜆
4 瀏覽
0 讚好
0 留言
燒韮菜小辣
1 瀏覽
0 讚好
0 留言
麻辣雞煲半隻小辣中麻
6 瀏覽
0 讚好
0 留言
麻辣雞煲半隻小辣中麻
6 瀏覽
0 讚好
0 留言
麻辣雞煲半隻小辣中麻
4 瀏覽
0 讚好
0 留言
麻辣雞煲半隻小辣中麻
0 瀏覽
0 讚好
0 留言
特大鮮竹笙
0 瀏覽
0 讚好
0 留言
豆卜
0 瀏覽
0 讚好
0 留言
加拿大特級牛肩肉細
9 瀏覽
0 讚好
0 留言
安格斯肥牛
4 瀏覽
0 讚好
0 留言
金錢牛展
8 瀏覽
0 讚好
0 留言
蒙古羊肉片
4 瀏覽
0 讚好
0 留言
美國桶蠔
0 瀏覽
0 讚好
0 留言
日本廣島蠔
9 瀏覽
0 讚好
0 留言
手打鮮蝦滑
3 瀏覽
0 讚好
0 留言
金菇、牛柏葉
0 瀏覽
0 讚好
0 留言
牛柏葉
1 瀏覽
0 讚好
0 留言
金菇
8 瀏覽
0 讚好
0 留言
水魷魚
9 瀏覽
0 讚好
0 留言
鮮冬菇、豆卜
7 瀏覽
0 讚好
0 留言
松葉蟹棒、魚腐
0 瀏覽
0 讚好
0 留言
粟米
0 瀏覽
0 讚好
0 留言
美國桶蠔
0 瀏覽
0 讚好
0 留言
手打烏冬
2 瀏覽
0 讚好
0 留言
張貼
