Aqua (已搬遷) 新店位置

尋晚睇完煙花之後，去咗呢一間餐廳酒吧度飲酒。下層係餐廳，上層係酒吧。呢度氣氛非常之好，又浪漫啦又classy。非常有格調，而且仲可以望住對面海個晚景。因為全間都係落地玻璃。我地點左啦一杯紅酒同一杯Gin Tonic. 個Gin Tonic真係好靚,成杯水晶花咁。啲味道都幾好架。望住個咁靚嘅夜景同朋友傾計同飲野真係好開心，而且啲氣氛都係令人好relax。服務員服務得非常好好有禮貌，而且就算你坐咗一兩個鐘，飲一杯佢地都唔會黑面。