天機棧扒房 (已結業)

夜晚OT到8點才放工，自己一個人緊係食埋飯先返屋企，這間天機棧在旺角好景附近，每晚九點後會有75折優惠，反正都夜，所以行左一陣先上去。一個人點了個晚餐，頭盤、餐湯、主菜及甜品樣樣齊。先來的巴黎汁扒大蝦，焗大蝦味道帶點甜味，蝦肉爽彈。凱撒沙律份量少少，沙律菜加上煙肉碎及麵包粒，還有大量的芝士粉，非常清新。龍蝦海鮮濃湯味道比較淡，只有淡淡的蝦香。美國春雞焗釀黑松露粉菌汁意大利飯，原隻春雞上枱再淋上火燒醬汁，春雞外皮更香脆，雞內釀著意大利飯，雞肉嫩腍，意大利飯比較咸，但整體份量十足，味道不錯。紅豆椰汁奶凍不會太甜，有淡淡的奶香及蜜汁紅豆味，幾清新。