駟馬拖車潮州飯店 (MOSTown新港城中心(4期)) (已結業)

今日第一次食呢間餐廳。之前新開張好多人我都冇食過。而家黎食晚市，兩個人食。結果我覺得呢間餐廳太貴同埋都唔係好好食。睇餐牌其實冇咩選擇。甜品我都揀唔落手。佢有賣啲雞呀海鮮呀，我唔好。我諗住嗌個煲仔餸，唯一揀得落去沙嗲牛肉粉絲煲或者沙茶牛肉。咁我哋嗌咗沙嗲牛肉粉絲煲加兩個白飯，嗌多個蠔餅。咩都未嚟就嚟咗個小食先嘅。小食就係一啲甜甜地嘅酸菜加幾粒花生，但係咁樣張單係收$16一位喎，我覺得真係太貴囉。跟住蠔餅上咗嚟，我朋友就唔鍾意食呢啲煎炸野嘅海鮮嘢嘅。咁我自己食晒佢，我覺得啲蠔都唔算好多，同埋好似清得唔太乾淨囉，有幾啖咬到有啲硬嘢un牙。都幾飽下，因為佢個底係類似糯米咁樣，好飽吓嘅。我盡唒力食都剩低兩舊。跟住個沙嗲牛肉粉絲煲嚟埋，都OK嘅入邊加咗菠蘿，個味都正常嘅，但係都幾飽，我哋食唔晒，剩低好多粉絲。係咁以食少少嘢埋單走人要成$360總數。真係太貴囉冇下次。呢度杯茶以我嘅水平來講我唔覺得係好飲個種，我自己屋企沖嗰啲茶葉好飲啲。我明明感覺呢一餐大概只係值一半價錢（$180），但佢收成個double（$360）囉。下次都係屋企自己煮啦冇期望。