上海姥姥 (上水中心)

營業中

休息中

上海姥姥上次食完覺得個份量細，價錢又貴，味道又唔係特別好，今次見佢晚市有套餐所以就來試一試。晚市套餐平均要80幾蚊連埋+1 茶位費基本上都係$100最少埋單，話貴唔貴話平唔平。今次點左我最愛嘅黑醋小排骨套餐，嘢飲要左紅棗燉雞湯， 另外仲有個桂花糕甜品。雞湯味道算係濃，味道帶點清甜，唔係敷衍就算。黑醋小排骨份量比想像中多，呢樣野要讚讚，唔知係剩係今次咁啱係咁定係平時都係咁，味道方面就正正常常， 味道唔係最好食嗰種濃厚嘅黑醋甜酸味，但係都不錯，白飯用嘅米唔係普通泰國米，應該係中國嘅白米，口感還可以。桂花糕就正正常常啦。結帳$100左右，平一定唔係平，但比起平時散叫會化算一點。始終係商場鋪，呢啲咁嘅裝修，一定會平。