影片
更多
2014-07-24
5887 瀏覽
龍寶有两間分店, 一間係葵芳一間係深水埗, 2間都不時會去, 平時飲茶既多, 晚飯都唔係成日食... 今晚同4姨餞行就去食晚飯喇! 途中發生左一段小插曲, 話說約食飯個時淨係話'龍寶', 4姨就以為係深水埗個間, 當我地去到點解搵極都搵唔到張枱個時, 打電話先發現其實係葵芳個間... 真係一個大誤會呀!!! 好彩都係搭幾個站, 即刻搭車都好快...今次無叫到$1既雞呀, 鴨呀, 龍蝦之類... 叫左個套餐...個拼盤都幾大碟幾多野食, 燒肉脆卜卜最好食!蒸蝦好新鮮喎! 又大隻喎! 平時懶剝蝦既我都食左好幾隻!反而呢個炸蝦就麻麻喇... 炸野已經好易入口, 不過呢個炸得太硬太乾... 似咬緊舊硬野多過食野...呢個西蘭花炒肉就正正常常, 有菜梗係食多D!呢條多寶魚好大條呀!!! 肉質尚算新鮮, 幾好食架!最麻麻就係呢碗羹, 唔知點解都幾腥下... 就算落左醋加胡椒粉都仲係腥腥地... 飲左2啖就無再飲...燒春雞就肥左少少... 通常酒樓既雞, 都係雞脾稍為好食D...比較唔錯都可以話係個壽包喇!!! 熱辣辣拎出黎就即刻食, 軟軟既外皮再連埋香口既蛋黃! 唔錯!最尾糖水都
今次無叫到$1既雞呀, 鴨呀, 龍蝦之類... 叫左個套餐...
個拼盤都幾大碟幾多野食, 燒肉脆卜卜最好食!
蒸蝦好新鮮喎! 又大隻喎! 平時懶剝蝦既我都食左好幾隻!
反而呢個炸蝦就麻麻喇... 炸野已經好易入口, 不過呢個炸得太硬太乾... 似咬緊舊硬野多過食野...
呢個西蘭花炒肉就正正常常, 有菜梗係食多D!
呢條多寶魚好大條呀!!! 肉質尚算新鮮, 幾好食架!
最麻麻就係呢碗羹, 唔知點解都幾腥下... 就算落左醋加胡椒粉都仲係腥腥地... 飲左2啖就無再飲...
燒春雞就肥左少少... 通常酒樓既雞, 都係雞脾稍為好食D...
比較唔錯都可以話係個壽包喇!!! 熱辣辣拎出黎就即刻食, 軟軟既外皮再連埋香口既蛋黃! 唔錯!最尾糖水都係紅豆沙啦, 甜左D啦... 根據上次呀姨既食法, 其實$1既菜色係幾唔錯既, 下次食晚飯都係叫多D $1既, 慳錢又好食嘛!
張貼
