四寶食堂 (已結業)

今日同朋友撐枱腳，見到呢間四寶冰室有好多晚餐選擇，所以就唔心大心細決定喺度解決。佢嘅晚市套餐好吸引，+10幾蚊或者20幾蚊就可以升級加前菜或者養生燉湯，我哋嗌咗三個晚餐。《芥蘭炒牛肉》$88我哋升級左前菜，麻辣豬手，非常入味，好好香川式辣香，同埋豬手口感好爽，好味。另外芥蘭炒牛肉嘅份量好多，尤其是牛肉，份量多之餘，仲炒得好林，同埋好入味，芥蘭亦都煮得啱啱好唔會太林，整體好滿意。《京都豬扒》$98升級咗晚市養生燉湯，好足料，同埋清清地唔會好鹹，飲得出冇落味精。京都豬扒同樣份量勁多，大大塊肉質鬆厚，多汁，酸酸甜甜好開胃。《鮑魚肥腸雞煲》$108呢煲嘢又有鮑魚，又有腸，仲有雞，滿足晒幾個願望，全部都好入味，微辣，送飯一流，岩重口味人士。 總括來講，雖然四寶係一間茶記，但係質素真心唔錯，水準比一般茶餐廳高，下次經過會再幫襯。