御名園 (已結業)

趁住新年過後，約埋朋友食餐豐富嘅中菜店內環境好寬敞，坐得舒適✨清蒸花斑朋友對蒸魚有一份執著，揀咗條生猛游水石斑雖然大條肉厚，但時間控制得好好，肉質嫩滑✨大吉大利發財好市為咗未來日子事事順境新年點都要食呢道菜啦✨即燒脆皮文昌雞 外皮燒得好香脆，雞肉肥美夠滑，半隻份量好充足✨金蒜銀絲蒸蟶子蟶子超新鮮，入口爽彈唔會靭粉絲吸盡蒜香味道✨鮮菠蘿咕嚕肉熱辣辣脆卜卜嘅咕嚕肉，外層炸粉唔會太厚，加埋新鮮菠蘿酸酸甜甜，非常醒胃✨黑椒蔥爆安格斯牛柳粒 牛柳粒豐富肉汁好Juicy同黑椒好夾，好惹味✨上湯瑤柱浸豆苗 蔬菜之中，最愛係豆苗加入瑤柱令上湯嘅味道更鮮下次可以再試其他款式小菜