影片
更多
2024-08-29
123 瀏覽
其實一早就bookmark咗呢間 但一直都冇去最近就喺Openrice見到佢有個晚市全單8折嘅優惠難得佢唔限你時又唔限日子星期一至日都得 咁就梗系book位去啦🤣不過留意返 優惠做到31/8咋!!🔸Deluxe Dinner Set $998 (8折後$798)👍🏿黑松露蟹肉多士坐低order咗之後 好快就上菜本身見到塊麵包顏色咁白 以為佢烘得唔夠脆點知一切落去 “咔”一聲😳比佢呃咗🤣原來好鬼脆🤭薄而香脆嘅多士 用生菜墊住滿滿嘅蟹肉沙律配搭一小塊青瓜同蕃茄沙律醬同蟹肉嘅比例啱啱好啖啖都食到一絲絲蟹肉嘅質感 帶少少甜味但最搶戲嘅都系黑松露 史努比覺得味道香濃而唔漏 幾好食😋不過爭啲又唔記得咗 爸爸👨🏻麻麻地黑松露添🥴味道: 8/10👍🏿烤蜜糖啤梨伴巴馬火腿沙律 配料幾豐富 而且都配搭得幾好又有Parma ham又有啤梨 仲有芝士同松子仁不過沙律菜唔算好fresh 食落唔系好爽脆嗰種好嘅系佢落嘅黑醋份量適中吊到酸酸甜甜嘅味道而又唔會過多Parma ham略嫌鹹咗啲啲 而蜜糖烤啤梨就太甜😂兩樣撈埋 再加沙律菜 似乎又攞返個balance🤣加咗松子仁 食落多咗一份堅果嘅香史努比覺得佢個調味有啲
最近就喺Openrice見到佢有個晚市全單8折嘅優惠
難得佢唔限你時又唔限日子
星期一至日都得 咁就梗系book位去啦🤣
不過留意返 優惠做到31/8咋!!
🔸Deluxe Dinner Set $998 (8折後$798)
👍🏿黑松露蟹肉多士
坐低order咗之後 好快就上菜
本身見到塊麵包顏色咁白 以為佢烘得唔夠脆
點知一切落去 “咔”一聲😳
比佢呃咗🤣原來好鬼脆🤭
薄而香脆嘅多士 用生菜墊住滿滿嘅蟹肉沙律
配搭一小塊青瓜同蕃茄
沙律醬同蟹肉嘅比例啱啱好
啖啖都食到一絲絲蟹肉嘅質感 帶少少甜味
但最搶戲嘅都系黑松露
史努比覺得味道香濃而唔漏 幾好食😋
不過爭啲又唔記得咗 爸爸👨🏻麻麻地黑松露添🥴
味道: 8/10
烤蜜糖啤梨伴巴馬火腿沙律
4 瀏覽
0 讚好
0 留言
👍🏿烤蜜糖啤梨伴巴馬火腿沙律
配料幾豐富 而且都配搭得幾好
又有Parma ham又有啤梨 仲有芝士同松子仁
不過沙律菜唔算好fresh
食落唔系好爽脆嗰種
好嘅系佢落嘅黑醋份量適中
吊到酸酸甜甜嘅味道而又唔會過多
Parma ham略嫌鹹咗啲啲
而蜜糖烤啤梨就太甜😂
兩樣撈埋 再加沙律菜 似乎又攞返個balance🤣
加咗松子仁 食落多咗一份堅果嘅香
史努比覺得佢個調味有啲extreme
個人唔系特別鍾意 但唔差~
味道: 7/10
海鮮湯
0 瀏覽
0 讚好
0 留言
👍🏿海鮮湯
湯底比較杰身 非常之濃稠
飲到好rich蝦嘅鮮味
口感順滑 啖啖都好鮮甜🤭
而且甜味好自然完全唔假
我哋覺得佢似用咗大蝦instead of龍蝦
史努比直覺覺得系大蝦嘅蝦膏先會咁濃郁
不過都只系推斷 唔能夠作準~
總先就好飲🤣
海鮮湯
8 瀏覽
0 讚好
0 留言
除咗個湯出色之外 佢用嘅青口都唔錯
雖然湯非常之濃郁 但都冇冚過青口嘅鮮甜
依然食到少少甜味 唔腥
難得餐湯落足心機仲有埋海鮮 唔系掛個名叫海鮮湯就算
呢樣好抵讚🤭
味道: 9/10
慢煮阿根廷紅蝦羽衣甘藍香草醬意大利粉
12 瀏覽
0 讚好
0 留言
👍🏿慢煮阿根廷紅蝦羽衣甘藍香草醬意大利粉
慢煮牛同雞都聽得多 慢煮蝦史努比真系第一次聽
同埋平時食意粉通常都系明太子/黑松露/番茄
總之唔系白汁就系茄汁
甚少會食青醬羅勒呢類
喺對佢冇太大嘅期望底下 估佢唔到竟然有啲impressive🤭
紅蝦慢煮至半熟狀態 初嚐半生熟嘅蝦
蝦肉帶少少爽彈 但又帶啲刺身級嘅黏稠
口感非常之特別
經微微炙燒後 味道更香
平時唔鍾意食蝦嘅史努比 竟然都會有意慾想食多隻😳
不得不讚嘅系佢已經幫你去咗殼 只需要切走蝦頭同蝦尾就可食用
超方便 啱晒史努比呢啲懶人🤣
慢煮阿根廷紅蝦羽衣甘藍香草醬意大利粉
0 瀏覽
0 讚好
0 留言
意粉嘅質感雖然唔算十分之Al dente
不過都夠煙韌 有啲嚼勁
香草醬味道非常濃郁
喺冇忌廉嘅情況下 竟然都做到咁creamy嘅質感
雖然羅勒味好突出 但唔系令人討厭嘅香料味
而且依然食到蝦油嘅香味 冇被羅勒冚過
另外仲食到啲爽脆嘅蒜粒 增添口感
成個意粉嘅味道都好香
只系略嫌佢偏油 食得多會膩
但淺嚐嘅話 佢可以話系幾出色
味道: 9/10
10oz美國頂級西冷牛扒
4 瀏覽
0 讚好
0 留言
👍🏿10oz美國頂級西冷牛扒
史努比早排食咗塊好伏嘅牛扒🥴遲啲會出po講
所以對牛扒有少少驚 同埋要求唔低😂
今日呢塊系合格之如 仲比史努比讚嘅🤭
店員幫我哋沈上適量黑椒
10oz美國頂級西冷牛扒
22 瀏覽
0 讚好
0 留言
牛扒切落都知好軟嫩 但又唔會話過分淋
表示煎到好香 加咗黑椒味道更加香~
嗌咗5成熟 見到佢呈粉紅色都知做得啱啱好🥰
牛味香濃 又夠軟嫩
適量嘅牛脂令牛扒除咗肉香之如仲帶啲油香
另外有啲薄荷青檸醬可以配牛扒食
帶微酸同薄荷嘅清新 食落開胃 都唔錯
但史努比始終都系鍾意原汁原味嘅牛扒🤭
有別於西餐用開嘅蘆筍 今日呢份竟然用四季豆嚟墊牛扒
爽脆嘅四季豆 帶微微清甜
隔離嘅番茄亦好juicy 不過史努比覺得佢嘅甜味似乎系來自糖嘅
反而焗薯做得幾好
連皮薯仔焗到好香 薯味香濃
即使唔落牛奶忌廉 口感都唔鞋
Overall幾唔錯🥰
味道: 8.5/10
焙茶蕉糖燉蛋
11 瀏覽
0 讚好
0 留言
👍🏿焙茶蕉糖燉蛋
唔系史努比打錯字 佢menu真系用呢個 “蕉” 字🤣
Cream brûlée 史努比整過唔少次
但其實甚少食 今次仲要系焙茶味咁特別🤭
薄薄一層焦糖 香脆而唔會太硬
燉蛋軟滑 好似mousse咁嘅狀態 但比一般mousse更滑溜
食唔到焙茶嘅回甘 反而伯爵茶味好濃郁
甜度適中 史努比系幾鍾意嘅🥰
但個人不嬲唔好焦糖 同埋如果有回甘會值更高分!
味道: 8.5/10
焙茶蕉糖燉蛋
0 瀏覽
0 讚好
0 留言
🔸House wine(Red)
另外呢個deluxe二人set會包兩杯house wine
分別可以揀紅/白酒 或者系champagne
大家都知史努比好乖唔飲酒😂
交比爸爸👨🏻
但佢唔系好識品評酒 所以冇評語🤣🤣
性價比: 7.5/10
*另設加一服務費*
雖然折咗 但價錢都唔系平🤣
不過相對fine dine已經算系入門級別
加上佢有呢個質素 慶祝絕對可以一試🥰
另外不得不讚嘅系service
用餐過程真系會feel到咩叫service
有禮貌有笑容呢啲基本嘢唔使講 佢做到
最抵讚嘅系見到店員久不久會嚟望下
見我哋食得七七八八嘅時候先再上下一道菜
加水/上甜品都唔需要問到先做
所有嘢都系自動波
食完某啲多醬汁嘅菜式佢會幫我哋換碟同刀叉
呢個上菜速度同用心系令史努比加好多分嘅主要原素🤭
不得不承認有時候service好影響成餐飯嘅感官
今日呢間餐廳 服務絕對值好高分
加一都系比得值嘅😚
整體評分：
味道: 8.6/10
環境: 8.8/10
服務: 9/10
衛生: 9/10
抵食: 7.5/10
張貼
